NON SÓ DE ENTROIDO VIVEN OS PIRATAS.

Como veredes, nestes días fixemos algo máis que choqueiradas.
Aqui deixamos os avances do noso Guernica compartido ca outra clase de 5 anos, e tamén os Guernicas individuais que fixemos. Todos están expostos no corredor de diante da clase e é curioso ver como cada un de nós ten a súa visión, porque todos son diferentes.
Temos que agradederlle á profe Eva (mamá de Xabi) a noticia sobre Picasso que nos trouxo, xa que con ela outra vez puidemos investigar a través do xornal.
Tamén contarvos que rematamos as nosas pesquisas sobre Exipto e Xabi trouxo dous libros cos que fixo unha "tese doutoral" sobre o tema.
E por último dicirvos, que a profe tén un pouco de manía con iso de facernos pensar... e trouxo un xogo para o rincón de lectoescritura co que nos sae o fume polas orellas...

FELICIDADES DANIEL PASTORIZA !!!

Daniel xa ten 6 anos e onte trouxo bizcoito moi rico para merendar todos xunt@s.

Un bico Dani.

CHEGOU O ENTROIDO. . .

Antes de ensinarvos o choqueiriñ@s que podemos chegar a ser, queremos mandar un bico para Paula, Brais Vázquez, Iván, Daniel Pereyra, Belén e Brais e Anxo Berjano, que estiveron maliños e non puideron vir á festa.

E un aviso, deixeivos o xogo das caras divertidas á dereita onde pon Enlaces favoritos, a petición popular, porque algúns mo reclaman todos os días... e non quero que me pidan o libro de reclamacións...

Quentando motores para o Entroido ! on PhotoPeach



Os choqueiros invaden O Burgo. on PhotoPeach

O GUERNICA EN 3 DIMENSIÓNS.

Hoxe subimos á pantalla dixital cos nen@s da clase da profe Elena. Vimos tres vídeos curtiños sobre Picasso e o Guernica, pero o que máis nos gustou e nos impresionou foi este, no que vemos o cadro en 3 dimensións. A música é de Manuel de Falla, que dixeron as profes que foi un compositor moi importante.
Mandamos un bico para Antía, Daniel Pereyra e Brais Vázquez que están maliños.

AS NOVAS PICASSADAS E O NOSO PEQUENO GRAN HOME DO TEMPO

Nestes días as nosas investigacións de Picasso non avanzaron moito porque a gripe ven a por nós e déixanos sen forzas, podemos facer un concerto de toses ou concurso para ver quén se sona máis veces...e non se libra ninguén...nin a profe. Por certo, un bico a Xabi, Pablo e Xoana que están maliños.
Seguimos pintando no noso Guernica, sen prisa pero sen pausa, agora agardamos ir máis rápido porque tamén están pintando os nen@s da clase da profe Elena.
E nestes días de tanto frío, Carlos converteuse no noso pequeno gran home do tempo, porque trouxo un libro no que explicaba un lote de cousas interesantísismas, cómo se forma o vento, as nubes, a choiva...e todo o explica cun sorriso, ata o que non sabe ler ben... Graciñas Carlos. Gústasnos máis que Mario Picazo...

UNHA MAÑÁ DE CINE...

Esta mañá fixemos unha saída á Coruña no autobús. Alí leváronos ata o CGAI para ver varias curtametraxes de "As aventuras de Capelito".
Capelito é un cogomelo que resolve as situacións máis disparatadas ca súa habilidade para transformar o seu sombreiro de fungo en calquera outro tipo de sombreiro con só apertar o seu nariz máxico.

Pero queridos grumetes, o mellor de todo é que Capelito é un pirata igual que nós, e iso non no lo dixeron pola mañá, así que o que queira ver as súas aventuras de pirata que prema aqui:

Felicidades Brais Berjano!!!

Brais xa ten 6 anos e o xoves trouxo unha rica merendola para tod@s. Graciñas e un bico tamén para Anxo.

TRABALLANDO POLA PAZ

TRABALLANDO POLA PAZ on PhotoPeach