VISITA DOS REIS MAGOS Á ESCOLA.

Como ben sabedes, o pasado venres día 19 recibimos na escola a visita das Súas Maxestades .

Entre nervios e frío agardamos a súa chegada no patio do cole.

A espera facíase longa e ao final sentámonos. . . 

Iso si, ca carta na man, sen perdela de vista ! ! !

Algún resistíase a sentarse por si se perdía algo. . . 

E ao final. . . chegaron no seu coche oficial.

Desatouse a locura incluso nos adultos, pero algúns conseguimos darlles a man á súa chegada ao cole.

Logo pasamos ao ximnasio, onde agardaban as Súas Maxestades sentados nos seus tronos e onde lles entregamos as nosas cartas. Aqui si que nos puidemos sacar fotos con eles e falarlles.

Primeiro tomamos asiento para agardar a nosa quenda e vimos como o grupo de pandeireta interpretaba unha panxoliña.

Neste grupo estaban dous compis da nosa clase: Adrián e Aymar, que o fixeron moi ben.

Logo, tod@s xunt@s cantamos outra panxoliña co profe de música.

E por fin, puidemos falar cos Reis Magos.

Mirade que momento máis entrañable.

Visita dos Reis Magos 2014 - Kizoa Movie Maker

De volta na clase, compartimos unha rica merendola de Nadal.

Tiñamos turrón, améndoas, biscoitos, Papá Noeles de chocolate, bombóns, e un montón de cousas máis. 

Tiñamos tantas cousas que , como víchedes polo que foi de volta para casa, non chegamos a abrir todo para que non se estropease, porque aínda que somos larpeir@s era demasiada comida.

Mellor será que vos poñamos un vídeo resumo da nosa xornada no cole nun día tan especial.

A emoción do Nadal ! ! ! on PhotoPeach
Hoxe quero despedirme cunha mensaxe que atopei na rede de casualidade, que desprende positividade e bos desexos.

Bo Nadal a tod@s e que no ano 2015 outro mundo mundial sexa posible! ! !

  Grazas pola vosa colaboración ao longo deste trimestre.

Moitos bicos