SAMAGOSTO 2024

 O pasado mércores 30 de outubro, celebramos no colexio unha gran festa: O Samagosto.

Acudimos cos nosos disfraces terroríficos e comimos castañas asadas coa axuda das nosas familias.

Nos días previos trouxemos as nosas caixas terroríficas para decorar a escola.

Tamén fixemos distintas actividades motivadoras na aula.

Por exemplo xogamos e experimentamos no Contexto Artístico cun caldeiro da bruxa e cunha mesa sensorial con monstriños de Samaín aos que tiñamos que alimentar.

Traballamos moito para facer uns morcegos chulísismos.

Practicamos trazos verticais e horizontais para pintar telarañas.

Participamos na actividade de Contacontos mesturados de Samaín. Cada  quen elexía o conto que quería escoitar e despois dirixíase á clase onde se facía a sesión de contacontos á cegas, sen saber qué profe facía o contacontos. Deste xeito eleximos conto polo verdadeiro interese no seu argumento, independentemente da profe que o contase, e fomentamos ter criterio propio, a iniciativa, a autonomía e a socialización.

No día da festa do Samagosto, recollimos as castañas asadas polas nosas familias e comímolas no patio de primara axudad@s pol@s nos@s padriños e madriñas lectores.

samagosto de Bibianaboedoedu

E agora despedímonos cos nosos posados máis terroríficos e arrepiantres. . .

Presentación Fiesta de Halloween Ilustrado Negro de Bibianaboedoedu

Seguiremos actualizando. . .

Biquiños