MALETÍN SORPRESA DOS BOLECHAS.

Esta semana, ao chegar á nosa clase atopámonos cunha sorpresa misteriosa. . . 

O curioso foi, que nos sentamos como todos os días e ninguén se atreveu a levantar o pano que cubría o noso obxecto misterioso, pero a expectación era máxima, e os primeiros en chegar corrían ao baño para apurar aos demáis a sacar abrigos e mochilas e sentarnos tod@s o mais rápido posible.

Decidir quen levantaba o pano foi fácil. Tod@s dicían  que fose o encargad@.

Sacamos un nome do sobre ao azar, sen mirar, e. . . tocoulle a Adrián ese privilexio, previo toque de variña máxica, por suposto.

Ao levantar o pano, apareceu un maletín, pero seguía a ser un misterio o seu contido, pois tardaron un anaco en decatarse de que nun dos seus lados poñía " Os Bolechas".

Por fin, abrimos o maletín e atopamos un lote de libros dos Bolechas cos que ímos aprender moitas cousas, pero temos que coidalos moito, porque son contos que a Bruxa Pepita trouxo da Biblioteca do noso cole e que temos que devolver en bo estado para que outr@s nen@s poidan desfrutar deles.

 LEMBRADE QUE MAÑÁN ENTREGAMOS AS NOTAS E LEVAREMOS OS NOSOS TRABALLIÑOS DESTE TRIMESTRE PARA CASA.

SI ALGUÉN NON TROUXO A CARPETA DE VOLTA DESPÓIS DAS VACACIÓNS DE NADAL, POR FAVOR QUE MAÑÁN NON SE OLVIDE DE TRAELA PARA LEVAR OS TRABALLIÑOS NELA.

Que teñades unha boa semana.

Bicos.