Hoxe toca mostrarvos as dúas derradeiras sesións Mus-e que tivemos antes do Día Mus-e.
Mus-e 11: Danza
Nesta sesión comezamos preparando o noso corpo coma sempre, para logo pasar a traballar distintos espazos e alturas á hora de bailar. Para iso bailamos representando distintos animais.
Máis tarde traballamos o equilibrio, a concentración e a compenetración por parellas cun globo, tratando que o globo non tocase o chan.
Por último retomamos os grupos do último día para representar ante os compañeir@s mediante o baile e o movemento distintas emocións e estados de ánimo.
Mus-e 12: Teatro
Nesta última sesión Ramiro ensinounos algún truquiño que teñen os actores e actrices para evocar recordos da súa vida e poder representar esas emocións no escenario.
Así que concentrámonos evocando recordos e representámolos.
No hay comentarios:
Publicar un comentario