Este mes de outubro tivemos unha celebración moi saborosa na aula: os nosos compañeiros Santi e Sebas cumpriron anos!
Para festexalo, convertéronse en verdadeiros cociñeiros e prepararon un biscoito delicioso . Despois convidaron aos seus compis da clase, que disfrutaron moitísimo desta sorpresa tan rica e feita con moito agarimo.
Foi unha festa chea de risas, amizade e sabor a cumpre feliz!
Seguiremos actualizando. . .
Biquiños
Este Samagosto trouxemos cabazas terroríficas para decorar o colexio feitas coa axuda das nosas familias.
Tamén colaboramos pintando lámpadas de papel para facer cabazas que decorasen a Biblioteca do colexio.
Pintamos cartóns de ovos para facer sombreiros monstruosos que decorasen a Biblioteca do cole.
Este mes estivemos traballando moito a cohesión de grupo e a amizade a través do conto: A mellor sopa do mundo.
O conto gustoulles tanto que fixemos tamén un experimento baseado na historia.
Colocamos un plástico na parte superior da imaxe e papel de cociña na pota da sopa. Mesturamos auga con colorante e colocamos cunha pipeta gotiñas sobre a parte plástica. Cun pau de brocheta ou similar movémolas ata dentro da pota e observamos como no plástico non se desfán e camiñan cara á pota sen romperse e ao chegar ao caldeiro combínanse .
O pasado 24 de outubro tivemos unha xornada moi especial no colexio, porque celebramos o Día das Bibliotecas. A nosa biblioteca encheuse de risas, palabras e moita maxia! ✨
Os padriños e madriñas lectores e lectoras reuníronse cos seus afillados e afilladas para compartir un momento moi bonito: ler contos xuntos. Houbo historias de animais, aventuras, fantasía… e tamén moitos agarimos e complicidade entre grandes e pequenos. 💕
Foi unha mañá chea de imaxinación, emoción e amor polos libros, porque cada conto é unha porta aberta a novos mundos.
📖 Viva a lectura e viva a nosa biblioteca! 🌟
Seguiremos actualizando. . .
Biquiños.
Pilar e Bibi
Este venres tivemos unha visita moi especial en Infantil. Veu Cristina, a nai da nosa compañeira Ayane, para axudarnos a perder o medo a ir ao pediatra. Contounos, dun xeito moi divertido, que os médicos e médicas están para coidarnos e axudarnos a estar sans.
Cristina ensinounos algúns instrumentos médicos que usan os pediatras: o fonendoscopio para escoitar o corazón e a respiración, o diapasón para probar a audición, a luz para mirar os oídos e a gorxa, o oxímetro para comprobar a saturación de osíxeno, e o marteliño para comprobar os reflexos. Mesmo puidemos probarnos o fonendoscopio,o oxímetro e o diapasón nós mesmos!
Tamén vimos imaxes dunha gorxa e dun oído sans e enfermos, e escoitamos como soa o latido dun corazón san. Aprendemos que non hai nada que temer, e que no pediatra só queren ver se todo está ben para axudarnos a medrar fortes e felices.
Moitas grazas a Cristina por compartir o seu tempo, o seu cariño e ensinarnos tantas cousas interesantes! ❤️🩺
Este luns recibimos no cole a Tamara, a nai do noso compañeiro Anxo de 4 anos. Veu contarnos, dun xeito moi divertido e ameno, como podemos coidar ben da nosa saúde bucodental. Aprendemos cando e como debemos lavar os dentes, que alimentos axudan a mantelos sans e por que é tan importante visitar ao dentista.
Lembrade que uns bos hábitos dende pequenos e pequenas son fundamentais para ter unha boca san e un sorriso forte: lavar os dentes despois das comidas, usar pouca azucre e acompañalos nas primeiras cepilladas axuda a crear rutinas positivas para toda a vida.
Moitas grazas a Tamara por compartir o seu tempo e facernos aprender sorrindo! 😄🪥
Seguiremos actualizando. . .
Biquiños
Pilar e Bibi
Coa chegada do Outono, tivemos unha actividade moi especial na aula. O noso compañeiro Mauro trouxo unha caixa misteriosa de outono para compartir con todos e todas. Dentro había distintos produtos típicos desta estación: follas secas, castañas, landras, noces...
A proposta serviu para descubrir o outono a través dos sentidos, especialmente do tacto, xa que tiñan que adiviñar os obxectos metendo a man por un buratiño sen mirar. Foi unha experiencia moi divertida e enriquecedora, na que tamén traballamos valores como compartir, cooperar e respectar as quendas.
Grazas a Mauro e á súa familia por achegar un anaco de outono á nosa aula e facer posible esta experiencia tan especial. 🌰🍂
Seguiremos actualizando. . .
Biquiños
Pilar e Bibi
Estamos a traballar o conto A mellor sopa do mundo, unha fermosa historia que nos axuda a reflexionar sobre valores como a amizade, a solidariedade e o feito de compartir. A través deste conto, o alumnado aprende que o importante non é o que cada quen ten, senón o que todos podemos conseguir xuntos cando colaboramos.
Ademais, o libro permítenos traballar a comprensión lectora, a expresión oral e escrita, e tamén a educación emocional, xa que fomenta o respecto, a empatía e a convivencia. Pero non nos esquecemos dos/das artistas que levamos dentro, e así pintamos esa rica sopa de amizade.
Ao rematar o mes de setembro a aula de 5 anos B converteuse nunha verdadeira festa porque… Cata cumpría anos! Para celebralo, puxémonos mans á obra e a cumpreañeira fixo un biscoito de cumple delicioso, puxemos as velas e cantámoslle con moita ilusión.
Foi un momento cheo de ledicia e amizade.
Parabéns, Cata! Que sigas sumando anos e risas cos teus compis! 🥳💖🍰
Biquiños
Pilar e Bibi
Nos derradeiros días de cole, celebramos o aniversario de Iván que cumpre anos en xuño, os de Enzo e Carmela que cumpren no verán e o de Martiño que cumpriu cando estaba en Alemaña.
Cociñamos o biscoito para convidar aos compis coa axuda da profe Susana.
Aqui vos deixamos unha escolma de fotiños coas actividades de fin de curso que fixemos.
Estacións Fin de Curso 2024-2025 de BibianaboedoeduDurante estas semanas estivemos observando e investigando o ciclo de vida dos vermes de seda. A través da súa evolución, desde o ovo do que nacen, pasando polas eirugas , ata chegar as bolboretas, aprendemos moito sobre os cambios que experimentan os seres vivos. Esta experiencia inspirounos para facer o derradeiro experimento do curso chamado “Eirugas en movemento”.
Foi unha forma divertida e educativa de conectar a ciencia coa nosa curiosidade.
Eirugas en movemento de BibianaboedoeduEste trimestre fixemos unhas portadas moi veraniegas e cheas de cor. Para comezar, pintamos o fondo cunha paisaxe de praia usando témperas: a area en tons amarelos e o mar en diferentes azuis.
Despois, recortamos círculos vermellos de cartolina, que se converteron no corpo do noso protagonista: un simpático cangrexo.Engadímoslle as pinzas, as patas... e uns ollos moi especiais! Usamos ollos móbiles de pegatina, que lle deron un toque simpático e moi divertido ao noso personaxe.
Cada portada quedou única e moi creativa. Con esta actividade traballamos a motricidade fina, a composición artística e tamén espertamos as ganas de verán.
Cada portada foi diferente e feita con moito agarimo. Pasámolo xenial creando, recortando e pintando, e así despedimos o trimestre co sabor do verán.
Hai uns días, no patio da escola, aconteceu algo máxico: chegou un visitante inesperado, pequeno e misterioso coma un segredo da natureza. Era un escornaboi! Si, un deses seres que semellan saídos dun conto antigo, con armadura brillante e pasos lentos pero decididos.
Quedamos abraiados coa súa presenza, e decidimos coñecelo mellor. Descubrimos que non é un insecto calquera: é unha especie protexida, pois está en perigo de desaparecer. A súa vida é unha auténtica aventura de transformación: nace dun ovo, pasa a ser un verme que se agocha na terra e, despois, fabrica unha crisálida máxica onde repousa... ata que se converte neste pequeno cabaleiro alado. Un verdadeiro superheroe da natureza!
Sabendo todo isto, comprendemos que tiñamos unha misión importante: protexelo. Así que, como auténticos gardiáns do escornaboi, levámolo ata a parte máis tranquila e agochada do horto do cole, onde os pés curiosos non poidan ferilo por erro. Alí, entre herbas e raioliños de sol, quedou libre e seguro, listo para seguir a súa aventura.
