UN NEN@, UN MAESTR@, UN LIBRO E UN LÁPIS PODEN CAMBIAR O MUNDO.

As palabras de Malala Yousafzai, Premio Nóbel da Paz no ano 2014, dan título a esta entrada.

Durante estes útimos días, coa proximidade da celebración do Día da Paz,  estivemos coñecendo a historia de Malala dun xeito sinxelo que puidesen entender. 

Penso que lles sorprendeu e admirou a partes iguais a vida nada doada desta moza que naceu en Pakistán onde queda un longo camiño para acadar vivir en Paz.

Preparamos entre tod@s un mural grande de Malala co que adornamos o hall de Infantil.

E tamén un pequeno traballiño individual coa mesma imaxe do mural ( que se pode atopar na páxina actiludis . com) e unha pequena biografía de Malala que nós engadimos na parte traseira.

Mirade con que mimo preparamos os traballiños individuais que levamos para casa o venres.

Así de guap@s posamos co noso mural grande de Malala no hall de Infantil.

Ademais, como proxecto de todo o colexio fixemos uns papaventos pola Paz que soltamos a voar no patio o venres día 29 de xaneiro con motivo da conmemoración do Día da Paz.

 Todos os papaventos tiñan mensaxes de Paz e o noso, como non podía ser doutro xeito, tiña a mensaxe de Malala.

Para esta data tan especial recibimos a visita especial da profe Adriana ! ! !

Grazas Adri por lembrarte de nós! ! !

Fíxonos moita ilusión verte e que nos dixeses que estabamos moi maiores xa ! ! !

O encargado , elexido por sorteo, de levar o noso papaventos foi Xurxo. Portouse como un homiño moi formal e estivo todo o tempo pendente de coidalo moito. Que preocupación más grande ! ! ! je je je. . . 

Os compañeir@s de 1º , 3º e 6º de Primaria cantaron cancións da Paz en inglés.

Logo tod@s xunt@s cantamos a canción de Antonio Flores : No dudaría.

Por certo, grazas familias por axudarnos a ensaiala na casa cos cativ@s ! ! !

Nesta vídeomontaxe con fotos podedes vernos en acción.

DÍA DA PAZ 2016 on PhotoPeach

Bicos e. . . boa semana de Entroido.

Non esquezades os mandadiños no Meco! ! !

O XOGO: A LINGUAXE UNIVERSAL.

Como seguramente xa saberedes, porque me consta que algún e algunha xa o contou na casa, durante un tempo teremos unha amiga nova na clase, chámase Shayana e fala francés.

Ainda que non sabemos falar francés. . . sabemos xogar. . . Como se soe dicir, unha imaxe vale máis que mil palabras e estas amosan a importancia do xogo nestas idades.

Ver como tentan entendela, coidala, ensinarlle todo. . . é máxico.

Temos moito que aprender dos pequen@s ás veces ! ! !

Que grandes sodes ! ! !

Bicos.

OPERACIÓN XACINTO ! ! !

Na clase temos un xacinto dende fai xa algún tempo.

Esta pranta non precisa estar na terra, pode estar nun cacharriño con auga e así vemos medrar as súas raíces.

Á volta das vacacións de Nadal decatámonos de que o noso cacharriño era moi pequeno e as raíces do noso xacinto non tiñan espazo suficiente para medrar, por iso iniciamos con moito coidado a nosa "operación xacinto" e cambiámolo para un cacharro máis apropiado.

Xacinto, xa podes seguir medrando ! ! !

Bicos.

XOGANDO A PENSAR. . .

 Continuamos traballando emocións, valores e aprendendo a entender o mundo e relacionarnos a través dos contos.

Neste trimestre comezamos coñecendo á "Mariquita Juanita".

Con ela e os personaxes que aparecen nos seus contos, así como cos contos que lle pedimos aos Reis Magos e que moitos xa trouxeron ao cole, traballaremos nesta liña.

Para xogar a pensar só hai 3  normas, pero é importantísimo cumplilas:

1º- Escoitar.

2º- Pensar.

3º - Levantar a man para falar.

Tod@s temos cousas importantes que dicir, tod@s aportamos, trátase de sumar entre todos e chegar a razoar e sacar conclusións, sen que os adultos lles deamos todo xa razoado dicíndolles aquelo que está ben ou mal.

Co primeiro conto da "Mariquita Juanita" pensamos e falamos dun lote de cousas: describimos a Juanita, describímonos a nós mesmos, falamos de semellanzas e diferenzas, pensamos noutros animais ou cousas de cor vermello como Juanita, tamén en animais ou cousas negras, animais con alas, animais que poden voar, animais pequenos como Juanita, animais con manchas como Juanita, etc.

Razoamos e falamos de cómo Juanita se vía reflexada na auga do lago e puxemos exemplos doutros lugares onde podemos ver a nosa imaxe reflexada: Espellos. cristais, cristais da porta da cociña, cousas brillantes, etc.

Son uns grandes pensador@s e falador@s! ! !

Logo debuxamos a Juanita reflexada na auga do lago.

Logo na mesma liña traballamos o conto de Elmer. 

Con este conto pensamos e falamos sobre a diversidade e a amizade. Pensamos no que nos gusta dos nosos amig@s e no que lle gusta aos demais de nós, de como non era importante que Elmer fose diferente porque o máis importante era que tiña moitos amigos porque era moi divertido e alegre, e tamén das características que pensamos que debe ter un bo amig@.

Coloreamos o noso Elmer.

Quedaron moi chulis.

Fixemos unha exposición con eles no corredor.

Tamén traballamos o conto: O soño do Osiño rosa.

Con este conto aprendimos qué é a empatía, reflexionamos sobre o que era poñerse no lugar dos demais, telos en conta, saber pensar no que eles pensan ou no que queren para poder axudalos.

Estou moi contenta de poder dicirvos que, cas súas palabras, razonan e explícanse mooooi ben e rematan captando a esencia dos contos que traballamos na aula.

Ademais, fixemos uns debuxos do osiño rosa moi fermosos.

E agora un vídeo resumo do noso traballiño con estes contos:

Xogando a pensar. . . on PhotoPeach

Bicos.

A LETRA U.

Dende que voltamos das vacacións de Nadal andamos a voltas coa letra u.

Contamos o conto da Urraca Ursulina, que non se levanta de boa gana para ir á escola e non deixa de buscar desculpas para perder o tempo: cortar a uñas, ir ao baño, etc. Logo, como chega tarde á escola , ten que poñerse de última na fila.

Na escola coñece ao seu mellor amigo: o unicornio Ulises. Xuntos viaxan polo Universo e comen uvas sentados na lúa.

Tamén limos o conto na pizarra dixital.

 E xogamos coa letra u.

Cómo podedes axudarnos a traballar a letra u ? Si atopades debuxos ou fotos a cor de cousas que teñan a letra u podedes traelas ao colexio. Con elas faremos distintas actividades e xogos , tal e como fixemos coa letra i.

Bicos.

A CURUXA É UN CHISCO ESTRAFALARIA.

Este era o título do conto que nos contaron  dúas compañeiras de 6ºB.

Trataba dunha bruxa á que non lle gustaba vestirse con roupa escura, como outras bruxas que coñecemos, a esta peculiar bruxa gustáballe moito a roupa de coloríns.

Aqui tendes a Adriana e Noelia agasallándonos cunha chuche polo ben que nos portamos e o moito que atendimos durante o conto. 

 Grazas pola vosa adicación chicas ! ! !

Bicos.

CUMPLEANOS DE SOFÍA ! ! !

Este venres celebramos o cumpleanos da nosa amiga Sofía.

Convidounos a merendar un rico biscoito e regalounos unha orixinal flor a cada un/unha.

Grazas por convidarnos a merendar! ! !

Moitos bicos e que teñas moitos agasallos! ! !

CONTACONTOS COA DRAGONA RAMONA

Contacontos para nen@s a partir de 3 anos. Entrada libre. 

Día: venres 5 de febreiro 

Lugar: Biblioteca Cardeso Liñares de Vilaboa

Hora: 18:30

Título do conto: Feroz o lobo.

Estou segura de que o desfrutarán se os levades.

Bicos.

CUMPLEANOS DE MANUEL VILA ! ! !

O mércores celebramos o cumpleanos de Manuel Vila.

Manu convidounos a un biscoito riquísimo para merendar e. . . ao final ata conseguimos que rise un pouquiño para a foto.

Moitos bicos e espero que teñas moitos agasallos ! ! !

REENCONTRO TRAS AS VACACIÓNS DO NADAL.

Ola a tod@s!!! Xa estamos aqui outra vez con novas aventuras!!!

O noso reencontro despois das vacacións de Nadal foi moi intenso e emocionante, temos moitas novidades que contarvos pero. . . tamén extrañamos moito a Adriana.

O primeiro foi que atopamos no colexio agasallos que os Reis Magos deixaron para compartir e divertirnos xunt@s.

Xurxo tróuxonos un mapa moi especial, ainda que somos a clase dos piratas non era un mapa dun tesouro, era un mapa que indicaba onde vive Papá Noel ! ! ! Aproveitamos para falar da utilidade dos mapas e explicar para qué serven.

Brais contounos que estivo nun sitio onde facía moito frío e había moita neve, dixo que foi en avión e lembrouse de nós asi que. . . tróuxonos chocolates riquísimos de Suiza ! ! !

Fixemos cambios nos equipos de xogo nos rincóns, por iso agora tócanos xogar con amig@s novos, o cal nos axuda a relacionarnos. 

E ademais dos rincóns que xa tiñamos agora temos un lugar especial cheo de maxia no que tamén xogamos: O País de Nunca Xamais ! ! !

Aqui vos deixamos un vídeo resumo do noso reencontro.

Reencontro despois do Nadal. on PhotoPeach

Bicos.