Xogamos nos bambáns de maiores! ! !

Aproveitando o bo tempo, co que non apetece estar en sitios pechados, e como nos portamos moi ben, o mércores desfrutamos dos bambáns de maiores nos que ímos xogar o vindeiro curso.

Explicamos que, aínda que desta vez tiñámolos para nós soliños/as, para o vindeiro curso teremos que compartilos con outros compañeiros/as e tamén aprendimos onde están as quendas para saber qué días  podemos xogar nos bambáns e qué días podemos xogar na pista ao futbol, baloncesto, brilé, balonmán, etc.

Aprendimos a beber na fonte. . .ou intentámolo, ás veces con máis chapuzóns que acertos porque fáltanos un pouquiño de práctica, pero como facía moita calor rápidamente secábase a roupa asi que foi moi divertido.

E . . .antes de entrar de novo á aula, fixemos a fila onde a fan os maiores de 1º! ! !

Ains. . . fanse maiores! ! !

Xogando nos bambáns de maiores - Kizoa Editar Videos - Movie Maker

Seguiremos actualizando.

Bicos.

Aniversario de Nikol! ! !

Esta semana que xa está a piques de rematar celebramos o cumple de Nikol.

Cantámoslle ben forte o "Cumpreanos feliz" e axudámola a soprar as seis velas da tarta de Barbie coa que nos convidou a merendar.

Parabéns Nikol, agardamos que tiveses moitos agasallos! ! !

Moitos bicos.

Letras Galegas 2017: Carlos Casares

Para traballar a figura de Carlos Casares fixemos distintas actividades na aula, moitas delas empregando a pizarra dixital coa profe Luz.

Tamén limos moitos dos seus contos, vimos unha obra de teatro e fixemos un pequeno caderniño de xeito individual.

Uns días antes da celebración no colexio fomos ao salón de actos da Universidade Laboral para celebrar as Letras Galegas coa música de Paco Nogueiras no concerto Brinca Vai.

Fomos andando e o alumnado maior de 4ºB ( da clase da profe Tesi ) foron os encargados de acompañarnos e coidarnos no traxecto tanto de ida como de volta.

Aqui vos deixamos un vídeo resumo da xornada.

CONCERTO BRINCA VAI - Kizoa Editar Videos - Movie Maker

Uns días máis tarde conmemoramos o Día das Letras Galegas tod@s xuntos no patio da escola, os maiores leron moitas cousas da vida e obra de Carlos Casares, entregáronse os premios de relato curto e poesía e @s alumn@s de 5 anos limos un poema adicado á nosa lingua que escribiu para nós a profe Luz con moito cariño.

Aqui vos deixamos outro resumo en imaxes da xornada de conmemoración na escola.

LETRAS GALEGAS 2017 - Kizoa Editar Videos - Movie Maker

Seguiremos actualizando. . .

Bicos.

Seguimos "Mondrianizándonos".

Seguimos a recibir axuda das familias para aprender moito do artista holandés e tamén para xogar con él.

Mateo trouxo moita información sobre a vida e a obra de Mondrian coa que estamos aprendendo moito, Omar unha lámina moi fermosa cunha foto del que puxemos decorando o rincón e Marina un memori para xogar con cadros do famoso artista.

Aqui nos tendes xogando a descubrir as parellas co Memori de Marina.

Comezamos a facer un caderniño do pintor con algunhas das cousas que ímos aprendendo.

Comezamos pola portada, ben chula e. . . como din el@s: con letras estilo Mondrian (porque agora todo é estilo Mondrian. . . ja ja ja)

Co mapa de Europa investigamos onde vivimos nós, onde naceu Mondrian e onde se atopan outros países que coñecemos.

Logo nun traballo individual plasmamos parte do aprendido.

Falamos das bandeiras de distintos países e de como empregan distintas cores  en cada unha delas xunto con  escudos ou distintos símbolos.

Buscamos a bandeira de Holanda e pintámola.

Logo fomos complicando as tarefas. A seguinte proposta foi debater e tomar unha decisión en equipo, por unanimidade e sen discutir nin berrar: cada equipo debía elexir un representante investigador/a que enviaría ao rincón de Piet Mondrian para atopar o ano de nacemento do artista.

Tiña que ser unha decisión razoada, pensando quen era o/a que mellor ía saber cumplir a misión encomendada, non pensando en amizades (cousa difícil a estas idades), pensando na efectividade á hora de resolver a misión. (Luz e eu escoitamos todo tipo de razoamentos e rímonos moito, ji, ji, ji).

Ademais para complicar aínda máis a tarefa, durante o tempo de procura dos investigadores elexidos o resto do equipo debía permanecer en silencio e non podía dar pistas. Todas as ideas e a axuda de cómo facer para atopar o dato axeitado había que decirllo previamente na reunión do equipo.

Por último cada investigador escribiu nas casillas correspondentes ás cores do seu equipo a que consideraban a resposta acertada e, cando todos remataron explicáronos onde atoparon o ano de nacemento do artista e comprobamos entre todos as respostas que eran certas.

O importante de todo isto non era gañar, pois tod@s gañamos, o que aprendimos con esta actividade foi a falar, respectar a quenda dos demais, e o tempo de traballo en silencio para concentrarnos, a poñernos de acordo sen rifar, pensar no que mellor sabe facer cada un e como tod@s aportamos ao grupo dunha maneira ou doutra.

Logo, de xeito individual plasmamos o aprendido xunt@s. Picamos na caixa de números os que precisabamos para escribir a data de nacemento de Mondrian.

Seguiremos actualizando. . .

Bicos. (estilo Mondrian. . .como din por ahi . . . )

DÍA MUS-E

Tendes que perdoar o retraso na publicación dalgunhas fotos , pero é dificil ter o blog totalmente ao día con tanta foto de taaaaantas cousas que facemos e ás veces xúntome con máis fotos que tempo libre para adicarme a isto cun pouco de tranquilidade e mimo.

 Estas fotos son do Día Mus-e, cando tentamos facer visible con distintas actuacións de Danza e Teatro parte do traballado ao longo destes meses.

Primeiro tivemos a clase Mus-e coa profe Chus no ximnasio onde nos propuxo mediante o baile representar emocións como a tristeza e a alegría e tamén actitudes como a axuda aos que o precisan por estar tristes.

o equipo que representaba a alegría levaba pano amarelo e o que representaba a tristeza pegatina azul na camiseta.

Logo fomos ao Pavillón para ver distintas actuacións musicais en homenaxe ao fundador do Programa Mus-e, o gran violinista Yehudi Menuhin.

Tamén nós representamos o noso baile diante do público reunido no Pavillón, no que agardamos se vise parte do traballo de educación emocional feito durante todo o curso Mus-e.

Como as palabras tamén son importantes porque con elas tamén expresamos as nosas emocións e o noso sentir, o acto rematou cunhas palabras de distintas persoas implicadas dunha maneira ou outra neste proxecto. Entre esas persoas, falou Romina, a nai do noso amigo Nico.

Como representación do alumnado participante falaron Silvia e Jacobo que tentaron resumir nunhas poucas frases todas as cousas que dixemos nas asambleas que conseguimos aprender co Mus-e ao longo deste curso.

Aqui vos deixamos un resumo en imaxes de toda a xornada.

DÍA MUS-E - Kizoa Editar Videos - Movie Maker

Seguiremos actualizando. . .

Bicos.

Noticias piratas ! ! !

Hoxe toca contarvos as últimas novas piratas de clase.

Jacobo gañou un trofeo nunha carreira en bici, fíxonos moita ilusión que o trouxese a clase a ensinalo e dímoslle un aplauso ben grande.

Noraboa amigo! ! !

Tamén temos que contarvos que Omar puxo uns lentes para ver mellor e quédanlle xenial.

Estás guapiiiiiiisimo Omar! ! !

Rematamos de clasificar animais coa profe Luz.

Esta vez tocou clasificar animais vertebrados e invertebrados, e con iso finalizamos esta tarefa coa que tanto desfrutamos.

Todos os murais onde temos animais clasificados atendendo a distintos criterios poden verse na parede do corredor que temos diante da nosa clase.

E xa por último, temos que contarcos que estamos feitos uns expert@s plantando  sementes de distintos tipos.

O xoves coa profe plantamos sementes de chícharos e traballamos o vocabulario relacionado co tema en galego e castelán, lembrando o aprendido no proxecto da Granxa sobre o necesario para que medre un vexetal.

O venres, na sesión de Inglés coa profe Teresa, traballamos o vocabulario en Lingua Inglesa ao tempo que plantamos xirasois ou . . .sunflowers.

Grazas a Luz e Teresa ! ! !

Bicos e. . . seguiremos actualizando.

Mus - eando...

Hoxe toca mostrarvos as dúas derradeiras sesións Mus-e que tivemos antes do Día Mus-e.

Mus-e 11: Danza

Nesta sesión comezamos preparando o noso corpo coma sempre, para logo pasar a traballar distintos espazos e alturas á hora de bailar. Para iso bailamos representando distintos animais.

Máis tarde traballamos o equilibrio, a concentración e a compenetración por parellas cun globo, tratando que o globo non tocase o chan.

Por último retomamos os grupos do último día para representar ante os compañeir@s mediante o baile e o movemento distintas emocións e estados de ánimo.

MUS-E 11:DANZA - Kizoa Editar Videos - Movie Maker

Mus-e 12: Teatro

Nesta última sesión Ramiro ensinounos algún truquiño que teñen os actores e actrices para evocar recordos da súa vida e poder representar esas emocións no escenario.

Así que concentrámonos evocando recordos e representámolos.

Mus-e 12: Teatro - Kizoa Editar Videos - Movie Maker

Moitos bicos e. . . seguimos actualizando.

A mellor sopa do mundo

Queredes a receita da mellor sopa do mundo?

Nós descubrímola a través dun dos contos que pedimos polo Nadal.

Neste caso, traballamos a través do conto que pediu o noso amigo Jacobo para compartir con tod@s.

Así foi como descubrimos que a mellor sopa do mundo está feita con moito amor, tolerancia e respecto e ten como ingrediente principal a amizade.

Sobre todo isto reflexionamos nas nosas sesións de filosofía para nen@s e logo fixemos un traballiño plástico, coma sempre, para lembrar o conto.

Desfrutade da sopa ! ! !

Bicos e. . . seguimos actualizando.

Día do Libro 2017

Como xa vos adiantamos, na semana do libro estivemos traballando á poeta Gloria Fuertes.

Estas foron algunhas das cousiñas que plasmamos en papel sobre ela e que puidéchedes ver no pequeno libriño que levamos xa para casa.

Como estamos traballando á par nun proxecto de Arte e xurdira falar de retratos, afondamos tamén noutro xeito de "retratar" ás persoas, mediante a caricatura, e pintamos unha caricatura da famosa poetisa á que decoramos o pelo con lá branca.

Tamén levamos para casa marcapáxinas persoalizados, xa que cada un de nós elexiu o modelo que máis lle gustaba. Fixemos xirafas, monstros, bonecas, peixes, etc.

Aqui vos deixamos unha pequena mostra.

Na celebración do Día do libro na escola, tal e como se ven facendo nos últimos anos, compartimos lecturas no patio cuns "padriños" e "madriñas" lectores mooooooi especiais.

Este ano, os nenos e nenas da clase de 3ºB da profe Emilia viñeron a buscarnos á clase para lernos uns contos moi fermosos.

E a "madriña" lectora da nosa Julia foi. . . a súa irmá Cecilia! ! !

Aqui vos deixamos un bonito resumo en imaxes desas emocionantes lecturas compartidas.

Día do Libro 2017 - Kizoa Editar Videos - Movie Maker

Agardamos que vos gusten.

Bicos e seguimos actualizando.

Aniversario de Isaías ! ! !

Onte celebramos o cumple do noso amigo Isaías.

Antes de saír ao patio axudámoslle a soprar a vela co número 6 e cantámoslle ben forte "Cumpreanos feliz".

Isaías convidounos a un riquísimo biscoito para merendar do que dimos boa conta e non quedou nin unha miguiña! ! !

Parabéns e agardamos que tiveses moitos agasallos! ! !

Moitos bicos.

Sesións Mus-e inéditas.

Ás veces , por máis que o intente, o tempo non é suficiente, descargar, montar e preparar fotos leva o seu tempo e. . . sinto que me vaian quedando fotos sen amosarvos.

Mus-e 8 : Teatro

Comezamos contando o noso mellor momento da semana aos compis, logo comeza o traballo en equipo, temos que comezar a compenetrarnos, ser capaces de chegar a acordos e controlar os nosos impulsos que ás veces nos levan a tomar decisións erróneas e a portarnos mal cos compis.

Mus-e 9 : Danza

Tras preparar o noso corpo para o baile, quentando e estirando axeitadamente, comezamos tamén o traballo cooperativo, temos que comezar a expresar emocións co noso corpo, primeiro de xeito individual para pasar logo a formar equipos cos que comezamos a poñernos dacordo e preparar o que representaremos diante de toda a clase na próxima sesión.

Non todos os euipos aproveitaron os consellos dados nin o tempo de "ensaio" do mesmo xeito pero decidimos non intervir para que eles mesmos fosen conscientes do xeito no que empregaban o tempo de traballo previo en grupo e o relacionasen co produto presentado ao grupo logo.

Eles mesmos chegaron á conclusión de que non traballaran suficiente, non o tomaran en serio e estiveran xogando a outras cousas. Isto é unha das cousas xenias do Mus-e! ! !

Mus-e 10 : Teatro

Facemos maxia, a maxia do teatro e temos que representar ante os compañeir@s unha situación convertindo unha silla noutro obxecto.

Xurdiron pequenos conflitos porque unha vez máis o modelo de traballo a seguir era o da aprendizaxe cooperativa e. . . algúns compis non tiveron para nada en conta a opinión nin as propostas de dúas das compis de equipo, pero unha vez máis decidimos non intervir, moi acertadamente, pois á hora de representar o traballado e "ensaiado" ante o grupo notouse que algo pasara e . . . ante o resto dos iguais tiveron que explicar o sucedido, reflexionar e tomar decisións para mellorar nun futuro.

E agora un vídeo resumo en imaxes destas tres sesións.

Mus-e sesións 8, 9 e 10 - Kizoa Editar Videos - Movie Maker

Bicos e. . . seguiremos publicando a pouquiños as dúas sesións que faltan e o Día Mus-e.

Visita ao Muncyt: Museo Nacional de Ciencia e Tecnoloxía

Ao chegar ao Muncyt fomos recibidos polos seus guías robóticos: Marilú e Pepexán.

Descubrimos un sitio onde se poden "destripar" aparellos.

Vimos a primeira linterna óptica da Torre de Hércules.

Entendimos o funcionamento das antigas pianolas e vimos un acelerador de partículas.

Explicáronos o funcionamento das primeiras películas de cine. algo parecido a un xoguete de fai uns cantos anos que se chamaba "super cinexin" e que prometín ensinarlles na clase.

Vimos varias partes do avión Jumbo no que viaxou o Guernica de Picasso dende Nova Iork a Madrid o 10 de setembro de 1981, entre elas a turbina, parte dunha das súas ás, do fuselaxe, as caixas negras, etc. Tamén puidemos entrar na zona reservada á 1ª clase e ver a cabina dos pilotos.

Ao final da visita, fomos ao salón de actos do Muncyt, onde puidemos desfrutar dunha vidrieira de Jorge Peteiro con 48 cores diferentes, na que se se representa a Cidade da Coruña.

Aqui fixemos puzzles da vidrieira, tentamos atopar as diferencias entre unhas láminas e o debuxo real e xa para rematar, coloreamos unha parte da vidriera para logo montala ao completo na aula.

Aqui vos deixamos un resumo en imaxes da nosa apasionante visita.

Muncyt 01 - Kizoa Editar Videos - Movie Maker

Muncyt 02 - Kizoa Editar Videos - Movie Maker

Muncyt 03 - Kizoa Editar Videos - Movie Maker

Bicos.