domingo, 30 de diciembre de 2012

FELIZ 2013 ! ! !


Winter Snow Card Comments

Unhas fotiños para despedir o ano. . . dos auténticos  e inimitables Piratas da Ría. . .

FELIZ 2013 !!! on PhotoPeach

bicos.


sábado, 22 de diciembre de 2012

A VISITA DAS SÚAS MAXESTADES. . .

Como xa saberedes, onte recibimos a visita dos Reis Magos na escola cheos de emoción e feitos un manoxo de nervios. . . Fixemos unha supermerendola de Nadal con todas as cousiñas que trouxéchedes, que eran tantas que algunhas nin as abrimos porque non tiñamos capacidade para comer máis. . .
E o fin de festa, amenizárono os maiores do cole que viñeron co profe de música a tocar e cantar para nós.
Pero botamos de menos a Rita e a Adrián nun día tan especial. . .  un bico peques !!!

Esta semana foi un pouco diferente porque estiven un par de días enferma na casa e por iso non temos máis fotos. Pero onte non quixen perderme aos Reis Magos porque eu tamén tiña que darlle a miña carta, xa sabedes pido cousas sinxelas. . . que non berren na clase, que saiban compartir os xoguetes, que merenden sentad@s, que aprendan a falar por orde e non tod@s á vez, que non teñan mal xenio, que sexan obedientes. . . ejem. . . non teño claro o qué me traerán. . .

Aqui vos deixo as fotos de onte . . . 

VISITA DAS SÚAS MAXESTADES . . . on PhotoPeach

Os traballiños que levaron na carpeta, son para quedar na casa. 
Á volta das vacacións teñen que traer a carpeta baleira de volta á escola.


Os traballiños de piratas e os que estamos facendo xogando cas letras dos nosos nomes, non os levamos porque terán continuidade no seguinte trimestre e cando os rematemos encuadernarémolos por separado. E á volta das vacacións tamén  levarán unha pequena sorpresa que agora non tiven tempo de rematar con eles e preparar. . .

Só me queda agradecervos a tod@s a vosa colaboración ó longo deste trimestre e aos meus compañeir@s de infantil graciñas por meterme os traballiños nas carpetas dos peques, asinar as notas por min, etc. 

bicos e. . . atent@s que pode aparecer algunha sorpresa para despedir o ano. . .


viernes, 21 de diciembre de 2012

XA TEMOS TOD@S 3 ANOS !!!

Nesta semana tivemos os 2 derradeiros cumples do ano 2012, o de Adrián o luns e o de Ian o martes.
Os meus pequerrechos de decembro !!!
Qué mérito tendes e cánto traballáchedes neste trimestre!!!
E como nesta semana estiven "pochiña", non vos fixen a coroa nin o libro do cumple para que levásedes de recordo. . . Pero non vos preocupedes, prométovos que o faremos á volta !!!

Felicidades Adrián !!!



Felicidades Ian !!!



bicos.




sábado, 15 de diciembre de 2012

CONTA ATRÁS PARA O NADAL. . .

Estas datas están cargadas de emoción para nós, poñémonos especialmente intranquil@s, tentamos portarnos mellor. . . e todo o que nos rodea é máxico e misterioso. . . é o que ten a inocencia dos vos@s pequen@s. . . que agardan con ilusión a chegada de Papá Noel e dos Reis Magos. . .
As  Maxestades de Oriente, virán ao colexio o vindeiro venres pola mañán, pero entre tanto, nós preparámonos facendo algún traballiño de Nadal para engalanar a clase e decorar despóis na casa, vendo debuxos animados de Nadal, falando co Rei Melchor outra vez por teléfono. . . ejem . . .

Un lote de cousiñas, que será mellor que vexades vos mesm@s. . .


CONTA ATRÁS PARA O NADAL. . . on PhotoPeach

Pero non pensedes que só nos adicamos a prepararnos para o Nadal, tamén  seguimos ca nosa degustación de froitos e aqui nos tendes tomando marmelo con galletas.


Tamén fixemos outros experimentos cas froitas. . . Estampamos un limón de amarelo e unha mazá de verde e de vermello, ao tempo que lembramos o nome das froitas e as cores.


E seguimos pirateando. . . poñendo os nosos nomes nas bandeiras piratas que trouxo Ana para tod@s.


bicos.





jueves, 13 de diciembre de 2012

DECORAMOS A ÁRBORE DE NADAL !!!

Hoxe, na nosa pizarra dixital (ou máxica, como din el@s), xogamos a poñer a árbore de Nadal.
Gustoulles moito e prometinlles que poñería o enlace no blog para que poidan seguir xogando na casa, así que. . . aqui o tendes. . .
Pinchade debaixo do debuxo, onde pon  "ÁRBORE DE NADAL"  e a pasalo boooomba. . .
Ah! rinse moito cando cando caen os adornos e rompen. . . esperemos que na casa non fagan igual. . . je je je...



bicos.



domingo, 9 de diciembre de 2012

EDUCACIÓN INFANTIL: QUÉ DIFÍCIL É SER PAI / NAI HOXE EN DÍA. . .

Ao fío do artigo que nos recomendou Loli no vídeo que vos deixei o outro dïa (graciñas por darme o pé. . .), aproveito para facer unha entrada adicada ás familias, papás e mamás aos que ás veces presiónanvos con opinións de expertos de todo tipo e xa non sabedes qué é o mellor para os vosos pequen@s. . .

Pensade que a infancia non é unha competición, que están en pleno desenvolvemento e que o voso fill@ non é mais ou menos list@ porque escriba antes ou despóis, por exemplo. Cada quén ten os seus tempos.
A clave nestas idades está na motivación (facer que teñan curiosidade e ganas de aprender cousas novas) e no aprendizaxe lúdico (que aprendan xogando, sen decatarse case e dun xeito divertido ).

Tendes que saber tamén que a Educación Infantil (que noutros países non existe como tal) aqui non é obligatoria. De feito hai xente que non os escolariza ata que teñen 6 anos e entran na Educación Primaria. Polo tanto, o que facemos de 3 a 6 anos, en Educación Infantil é iniciación á lectoescritura e á loxica-matemática. Para entendernos: xogar coas letras e os números, e descubrir o mundo. Hai moitas maneiras de xogar e moitas maneiras de aprender, nin pasar todo o día facendo fichas, nin non facer ningunha. . .
Asi que non vos sintades presionad@s e, sobre todo, non vos deixedes presionar. Ides ler e escoitar moitas opinións ó longo da vida dos vosos fill@s, pero que non vos abandone o sentido común, non vos agobiedes,  non agobiedes aos vosos cativ@s e confiade e nós.

Preocúpavos moito a lectoesritura, xa o sei. . . é un clasico. . .
Ca iniciación á lectoescritura que se fai en Infantil (xogando cas letras. . .) algúns chegarán lendo a Primaria e outros non, pero cada un ten os seus tempos e xa dixemos que non é unha competición !!!
Iso non é o importante, o importante é a motivación, o gusto pola lectura, polos libros, que descubran un mundo a través das palabras, que poidan aprender a desfrutar, emocionarse. . . e todo a través das palabras e dos libros. . .

Xa que tanto se fala da Educación en Finlandia ultimamente, déíxovos un artigo no que falan dalgunhas cousas cas que estou en consonancia: confianza, transparencia, respecto e ensinar a pensar. E eu engadiría, que neste barco estamos tod@s xunt@s: familia e escola. Non vos esquezades diso !!!

Aqui vos deixo o artigo que nos recomenda Loli, por si alguén non o atopa:

O artigo da Educación en Finlandia que atopei eu:

E un manual dos soños. . . que sigo ó pé da letra e que vos recomendo !!!



 bicos.







jueves, 6 de diciembre de 2012

NOVIDADES PIRATAS E OUTRAS AVENTURAS. . .

 A verdade é que sodes moi colaboradores e traedes un lote de cousiñas que enchen de emoción e maxia a nosa clase.
 A semana pasada, como vos ensinamos as fotos da nosa primeira excursión e do libro viaxeiro, non vos ensinamos as novidades piratas que recibimos nin o moito que traballamos: lemos cousas de piratas, aprendemos a escoitar con atención, a  levantar a man para falar e escoitar aos compañeir@s e ás profes, a facer círculos, o nº 1 e identificar a letra i, tentamos poñer o noso nome, rematamos algún traballiño de Outono, aprendemos cousas sobre as froitas e degustámolas, falamos de cómo resolver os problemas falando e non pegando e . . . ata da Constitución falamos. . .

E á pregunta de si falaron co Rei Melchor por teléfono. . . a resposta é SIIIII. . . Teño o seu teléfono e o martes chamámolo e algún falou con él e. . . o Rei tamén escoitou como algún berraba e pataleaba no chan. . . Non sei eu si terá que mercar máis carbón. . .

 Hoxe tócavos ver un bo lote de fotos. . .
Tomade asiento que comezamos. . .


NOVIDADES PIRATAS on PhotoPeach

E agora outras cousiñas que fixemos ao longo destes días. . .


COUSIÑAS QUE NON VOS ENSINAMOS AÍNDA. . . on PhotoPeach

Ah! Esta fin de semana non mandamos o libro viaxeiro porque é tan longa que non me parecía xusto que ninguén o tivese máis tempo que os demáis. . .

Que pasedes unha boa ponte e que non teñades que sonarvos tantas veces coma min. . .

bicos.


viernes, 30 de noviembre de 2012

MALETÍN E LIBRO VIAXEIRO.

Lembrades ese traballiño que fixéchedes c@s vosos pequen@s no mes de Outubro no que poñíades a súa foto e escribíades o seu xogo favorito ? ? ?
Seguro que non porque xa fai moito. . .
E seguro que pensábades. . . ¿qué faría esta muller co traballiño?
Pois a espera valiu a pena . . . Por fin teño os traballiños de tod@s e podemos desvelar o misterio !!!

O primeiro que facíamos ao chegar á escola co traballiño era presentarnos aos compañeir@s: dicir o noso nome, ensinar a foto e contar qué estábamos facendo nela, dicir cal é o noso xogo favorito e quén nos axudou a escribilo.
Aqui nos tendes presentándonos . . .

ASI SOMOS OS PIRATAS DA RÍA. on PhotoPeach

Pois ben, unha vez feitas as presentacións, plastifiquei todos os traballiños e Alfredo (o noso conserxe todoterreo) encuadernoumos. Puxemos de portada un debuxo que eleximos por votación popular e que trouxo Natalia e . . . Libro viaxeiro listo!!!
Fixemos un libro que levarán para casa  para desfrutar coas familias e presentarvos aos seus amig@s. Cada fin de semana tocaralle a un deles por orde de lista.
Pero como a todo hai que adornalo con algo de maxia. . .o libro viaxeiro vai dentro dun maletín viaxeiro. . .E asi ten que vir de volta á escola . . . Cando vos toque  tendes que coidalo moito para que todo o mundo poida desfrutalo en bo estado.

O maletín comezou a viaxar o fin de semana pasado e levouno Lena.


Esta fin de semana tocoulle a Ana.


 P.D. Lembrade que o luns ïmos facer unha degustación de froitos e hoxe levaron unha carta dicindo qué froito ten que traer cada un.
Xa veremos o que se atreven a probar e o que non . . .

bicos.




jueves, 29 de noviembre de 2012

SUPERNOTICIÓN. . . ONTE FUMOS DE EXCURSIÓN !!!

Onte tivemos a nosa primeira excursión dende que chegamos ao " cole de maiores".
Fumos á Coruña, ao CGAI para ver varias curtametraxes de debuxos animados tituladas " Contos de Canadá". Gustounos moito ir ao cine xunt@s e pasámolo moi ben.
Foi un día cargado de emoción e tamén de algunha sorpresa. . .
Ao chegar á escola descubrimos que o noso Pirata Malapata non estaba durmido dentro do seu cofre coma sempre, estaba desperto e sentado !!!
Tíña un tesouro  preparado para nós. . . pero dixo que só o ía repartir cos que se portasen ben na excursión . . . 
Falamos de cómo tiñamos que ir na fila,  de que non podíamos soltarnos, lembramos que no bus hai que ir ben sentad@s, que no cine temos que estar caladiñ@s, e  que non podemos chorar cando se apagan as luces porque é cando empeza o mellor . . . A PELÍCULA! ! !
E portámonos tan ben. . . que á volta estábanos agardando Malapata co seu tesouro de moedas de chocolate !!!
Mirade qué ben o pasamos. . .


CAMARÁ É. . . ACCIÓN !!! on PhotoPeach

bicos.

Bibi.

sábado, 24 de noviembre de 2012

DÍA DA INFANCIA, CASTAÑAS XIGANTES E OUTRAS AVENTURAS PIRATAS. . .

En 1.956, a Asamblea Xeral das Nacións Unidas recomendou que se instituíse en todos os países un Día Universal da Infancia, adicado á fraternidade e comprensión entre os nen@s do mundo enteiro e destinado a actividades propias para promover o benestar dos nen@s.
O 20 de Novembro conmemórase a data na que a Asamblea Xeral aprobou a Declaración sobre os Dereitos do nen@ e a Convención sobre os Dereitos do nen@. Por iso, o 20 de Novembro pasou a ser o Día Universal da Infancia.
Non está de máis lembrar que non todos os nen@s teñen a sorte de poder celebrar este día, e que seguramente teríamos que facer algo máis que poñer un día para todo. . . 
Os nos@s pequen@s conmemoraron esta data cunha sesión de contacontos, xa que veu ao cole A Dragona Ramona, a mascota da Biblioteca do Concello. E aproveito para recomendarvos levar aos peques á Biblioteca, onde podedes consultar o calendario de sesións de contacontos que teñen.
 Notouse que moit@s xa ídes e xa coñecían a Ramona!!!




Seguimos traballando a lectoescritura partindo dos seus nomes. Esta semana tocou atopar cada un o seu nome entre os dos demáis compañeir@s de equipo e pintalo. Mirade qué ben o facemos !!!



Tamén rematamos e levamos para casa unhas castañas ben grandes e chulas que diseñou a profe Pilar e que nos quedaron ben vistosas. Verdade? Graciñas  a  Pilar  e á profe Elena que nos axudou a recortar !!!




Xa sei. . .xa sei. . . falta o vídeo de rigor. . . e estades desexando ver as nosas aventuras piratas. . . Pois. . . ollos ben abertos. . . e orellas ben atentas que temos moitas novidades !!!

AS AVENTURAS PIRATAS CONTINÚAN . . . on PhotoPeach

Graciñas a tod@s polo moito que colaborades e á profe Sandra por prestarme o cofre . . .

LEMBRADE QUE O MÉRCORES ÍMOS DE EXCURSIÓN AO CGAI !!!

bicos.

Bibi.


viernes, 23 de noviembre de 2012

CUMPLEANOS DE SILVIA E HUGO E . . . DESCUBRIMENTO SORPRESA !!!

Hoxe tivemos unha supermerendola, porque Silvia e Hugo estiveron de cumple e convidaron a biscoito e rosquilas. . .  Puxémonos as botas e tamén convidamos aos nen@s da profe Pilar !!!
Non vos asustedes si algún tiña a súa merenda sin comer na mochila. . . fame non pasaron. . . je je je...


Graciñas pola invitación á parelliña feliz e ás súas familias !!!


E mirade o descubrimento que fixen hoxe cando facíamos os libros de cumpleanos para agasallar a Silvia e Hugo. . . Impresionante !!!


A verdade é que levamos un tempo traballando os nosos nomes, e hoxe dóuseme por poñer o nome do cumpleañer@ no encerado xunto co debuxo,  tod@s tentaban copialo . . . e fíxome moita ilusión . . .
Sementar está ben. . . pero recoller. . .moito mellor !!!


bicos.

Bibi.




sábado, 17 de noviembre de 2012

CON P DE PIRATAS. . .

Nestes días as letras dan voltas nas nosas cabeciñas e ao final vemos letras por todas partes. . . falamos de que a palabra pirata comeza con P (como papa), de que luns empeza por L ( como Lena e Lucas), contamos as letras dos nosos nomes outra vez e coloreamos cada unha dunha cor, tentamos recoñecer os nosos nomes, algúns ata escribilos, recoñecemos a letra I  e pintamos un indio, e dímonos conta de que os nomes de Ismael e Ian comezan pola letra I .

Pero, como non todo van ser letras, tamén seguimos recibindo información de piratas e pouquiño a pouco ímola lendo e escoitando con moita atención, ao tempo que aprendemos vocabulario novo: timón, vela, catalexo, mástil, etc.
GRACIÑAS pola vosa colaboración !!!


CON P DE PIRATAS ... on PhotoPeach


E aqui nos tendes a voltas cas letras dos nosos nomes. . .

A VOLTAS CAS LETRAS. . . on PhotoPeach

bicos.

Bibi.

sábado, 10 de noviembre de 2012

@S PIRATAS SOMOS XENTE DE ACCIÓN !!!

A verdade é que non paramos nin un intre, por iso non temos tempo de aburrirnos na escola.
Poñédevos cómod@s que temos moitas fotos que ensinarvos !!!

Nestes días, como xa sabedes, estamos recollendo información para iniciar un Proxecto de Piratas e xa trouxemos ao cole un lote de cousas para o noso recuncho dos piratas,  fumos á biblioteca con Luz que nos contou un conto de piratas, comezamos a decorar o recuncho. . .

@S PIRATAS SOMOS XENTE DE ACCIÓN !!! on PhotoPeach

 Pero ademáis de meternos no papel. . . fixemos moitas máis cousas como por exemplo: traballar o trazo na nosa "pizarra máxica", aprendemos a gardar os traballos na carpeta para levalos para casa, aprendemos o nº 1, traballamos os personaxes do conto " A qué sabe a lúa" ca profe Elena, xogamos cas letras dos nosos nomes e contámolas e  Marc fixo panellets ca avoa para convidarnos a merendar a tod@s o venres. . .  Marc explicounos  á súa maneira cómo os fixo e despóis limos unha carta da súa nai onde nos contaba que en Cataluña cómense cas castañas e que os fixeran con améndoas, azúcre, pataca cocida e chocolate. A verdade é que non quedou nin rastro deles porque estaban boísimos. . .  Graciñas a Marc e á súa familia. 
É un pracer que sexades tan colaboradores !!!
E agora outra tanda de fotos. . . ollo que algunhas  son de antes da ponte. . . porque con tanta festa aínda non tivéramos tempo de amosárvolas.


SEN TEMPO DE ABURRIRSE !!! on PhotoPeach

E  xa para rematar, as fotos que fixemos xogando cos nosos nomes, primeiro tentamos recoñecer cada un o seu, despois pintamos as súas letras por orde e de cores distintas, e descubrimos que uns remataban antes que outros de pintar porque tiñan menos letras ! ! ! Así que contamos as letras dos nosos nomes e. . .

Ana e Ian foron os primeiros en rematar porque os seus nomes teñen 3 letras!!!







P.D. Isto non vai ser sempre así . . . non sempre temos tantas fotos. . .

bicos.

Bibi.






jueves, 1 de noviembre de 2012

MAGOSTO E SAMAÍN, EU NUNCA TAL COUSA VIN !!!

Nestes días, como xa sabedes estivemos moi ataread@s preparándonos para festexar o Magosto e o Samaín. Esta semaniña, resultou outra vez curta pero moi intensa. . . Rematamos o libro do conto "Corre, corre, cabaciña" que levaremos para casa á volta da ponte, decoramos a clase con cabazas e outros adornos que trouxemos da casa, fixemos arañas noxentas que metían moito medo , trouxemos castañas para o Magosto, visitamos a decoración de Samaín que está na entrada do cole, traballamos o medo (algo bastante habitual nestas idades) e sacamos algunha foto sorpresa unha vez que desvelamos o misterio da castaña xigante que tiñan @s compañeiros da clase de 4 anos B. 
Seguro que estades desexos@s por ver tanta cousa. . . pois. . . sentádevos  tranquil@s e tomádevos o voso tempo porque temos moitas fotos. . .


MAGOSTO E SAMAÍN... EU NUNCA TAL COUSA VIN !!! on PhotoPeach

Afondamos un pouquiño nos nosos medos, xa que as datas préstanse para tratar o tema, tratamos de restarlles importancia e rirnos do medo. . . Por exemplo, xa ninguén lle ten medo os monstruos !!! Queredes saber cómo?

Contamos o conto " Dónde viven los monstruos" de Maurice Sendak. Un clásico polo que non pasan os anos. . .



E perdimos o medo aos monstruos xogando asi na nosa pizarra máxica. . .




Aqui vos deixamos o enlace do xogo por si queredes xogar na casa. Premede onde pon XOGO DE MONSTRUOS, debaixo do debuxo.



E desvelado o misterio da castaña xigante que tiñan os compañeir@s de 4 anos B, fíxonos moita ilusión que nos deixaran sacar unha foto no seu "castañomatón ", unha idea xenial da profe Sandra. Graciñaaaaaas !!!




Boa ponte a tod@s.

bicos.

Bibi.




miércoles, 31 de octubre de 2012

FELIZ CUMPLE ASTRID !!!

Onte celebramos o cumple de Astrid que xa é unha chica de 3 anos, e ben se nota se vos fixades no forte que sopra . . .
A súa nai visitounos á hora da merenda cunha tarta de chocolate riquíiiiiisima ca que nos puxemos as botas. .  .
Graciñas por convidarnos !



bicos.

Bibi.

sábado, 27 de octubre de 2012

POLO SAMAÍN, CABAZAS EU VIN !!!

Seguro que pensades que a festa das cabazas é cousa extranxeira.  Pois non ! ! ! Nós fomos os primeiros ! ! !

Hai moitos anos en Galicia vivían os Celtas. Este pobo  a noite do 31 de Outubro facía a festa do Samaín e esta noite comezaba o ano novo dos Celtas, como aínda se celebra na illa de Man.
No Samaín tallaban cabazas con formas arrepiantes, colocaban dentro unha candea prendida e logo situábana nos cruces dos camiños para asustar aos seus inimigos.
Agora nós, tentamos recuperar a tradición dos nosos ancestros Celtas e por iso celebramos o Samaín.
 Traballar a historia cos máis pequenos non é doado, pero si que falamos do Samaín, na medida en que a súa comprensión o permite, traballamos ao redor do conto "Corre, corre, cabaciña" de Eva Mejuto e da editorial OQO, que ten unhas ilustracións moi chulas de André Letria, e como non podía ser doutro xeito, aproveitamos para traballar o medo . . .


TRABALLAMOS O CONTO: CORRE, CORRE, CABACIÑA. on PhotoPeach  
 Gustoulles moito o conto, pero xa vos adianto que atopalo para compralo non é doado, de feito eu xa desistín hai anos porque dixéronme que estaba descatalogado. Por iso, aqui vos deixo unha versión do conto que hai en You Tube que está moi ben, para que o desfrutedes en famlia, e tamén o vídeo ca canción, que pertence a un cd titulado "Contos en cantos".


CONTO
 

CANCIÓN

Esta semana podedes traer cabazas decoradas para axudar ambientar e adornar a nosa clase.

Celebraremos o Samaín o mércores día 31 de Outubro igual que facían os Celtas.
Por iso, o mércores podemos vir disfrazados ao cole para meter medo aos amig@s... (bruxas, morcegos, vampiros, pantasmas. . .)

Pensade en que o que lles poñades sexa cómodo (sobre todo para ir ao baño) e sinxelo, e que non teña cousas pequenas que se poidan perder ou ser perigosas.

Graciñas pola vosa colaboración cos "deberes" da pasada fin de semana.
Qué traballiños máis bonitos mandáchedes !!!
Non agardo menos das vosas cabazas . . .

bicos.

Bibi.

miércoles, 24 de octubre de 2012

DÍA INTERNACIONAL DAS BIBLIOTECAS

Hoxe celébrase o día internacional das bibliotecas, así que aproveitando a ocasión gustaríame compartir con vos un recurso que a algunhas familias pode interesarvos e que atopei de casualidade. É  algo novo, pero que penso que pode estar ben.
É un buscador de libros, e-books e apps infantís, cun recuncho para que poidades compartir experiencias con outras familias e unha estantería para clasificar libros que xa víchedes, os que queredes ler, os que comentáchedes. . .




Este é o enlace da páxina por si vos animades:
http://www.tulabooks.es/#
(premede sobre él para entrar)

Ah !!! Graciñas polo moito que traballáchedes este fin de semana  cos vosos fill@s. Pronto veredes o resultado e o noso primeiro libro ! ! !

bicos.

Bibi.


sábado, 20 de octubre de 2012

MADURAMOS COMO OS FROITOS DO OUTONO.

A verdade é que pouquiño a pouco ímos madurando como os froitos do Outono. . . 
Repetir as mesmas rutinas, os mesmos hábitos todos os días vaise notando,  danos seguridade,  facendo que poidamos anticipar o que vai pasar (cando toca xogar nos rincóns, cándo recoller, ir ao baño, merendar...) e facendo tamén que nos sintamos cada vez máis segur@s e cómod@s na escola.
A nosa atención, ainda que curta de momento porque somos pequen@s, vai sendo cada día un pouquiño maior, sabemos que cando chegamos temos que colgar as nosas cousas na percha e sentarnos na asamblea, que temos que xogar no rincón que nos toca e agardar a que a profe nos chame a traballar na mesa, que temos que recoller para ir ao baño e merendar, que cando contamos contos hai que ter " bocas pechadas, ollos moi abertos e orellas moi atentas", ou que despois do recreo facemos un ratiño  plastilina mentres a profe ven polas mesas para traballar máis polo miúdo con nós, etc.
Con todas estas cousas que facemos no día a día estamos sementando. . . os froitos recollerémolos co paso do tempo. . . Pero é importante que teñamos horarios, rutinas, hábitos, que exploremos o mundo e sexamos autónom@s e que non perdamos a capacidade de sorprendernos e a ilusión por aprender cousas novas. . .

MADURAMOS COMO OS FROITOS DO OUTONO. . . on PhotoPeach  
 Temos que mandar un bico enorme a Naiala que hoxe está de cumple, pero non o puidemos celebrar porque estivo enferma nestes días. Millórate guapa, estámoste agardando ! ! !

bicos.

Bibi.

viernes, 19 de octubre de 2012

DANDO O CANTE . . .

Teño entendido que algún e algunha xa cantaron algunha canción na casa, e incluso hai quen vai no coche dando o do de peito . . .  pero tamén estou informada de que ás veces "versionan" as cancións  (algo propio de grandes artistas. . . ) e o seu público non se entera ben do que cantan. Pois, para ese público tan fiel, aquí vos deixo dúas cancións que cantamos nada máis chegar ao cole, cando nos sentamos na asamblea.

Estas son en castelán por iso foime fácil atopalas para poñelas no blog, pero as que cantamos do Outono son en galego e non as atopo e algunha non sei nin onde nin cando a aprendín eu. . . Asi que cando @s teña máis "ensaiados" poño o vídeo d@s artistas cantando en clase. De momento, hai que cantalas algunha vez máis antes de sacar o disco ao mercado. . . ji ji ji. . .

bicos.

Bibi.

viernes, 12 de octubre de 2012

UNHA SEMANA CURTA PERO INTENSA !!!

Esta foi unha semana curta pero mooooi intensa, estivo chea de emocións e novidades e, ademáis, non paramos nin un intre porque temos moita "marcha" e moita curiosidade . . . 
Como xa estamos bastante tranquil@s e atent@s na asamblea, engadimos unha novidade que nos fixo moita ilusión. Cada día antes de comezar, o primeiro que facemos é saber quén vai ser o engargad@. Est@ terá que pasar lista, poñer a data, o tempo, ir de primeiro na fila e, sobre todo, axudar mooooito á profe.
Non puidemos ir ao ximnasio, porque como chovía os maiores non  sairon á pista e quedaron nel, pero nós fixemos exercicio na clase, bailamos e pasámolo xenial !!!
Pintamos pementos co dedo, fixemos caracois, fumos á biblioteca ca profe Luz, Rita trouxo un lote de cousas do outono para ensinar aos compañeir@s e tamén contos, estreamos o libro de "mates" de maiores  e fumos de "romería" ata a clase de 4 anos B en busca de cogumelos e menuda clase maxistral que nos deron os maiores... 
Temos que mandar un bico enorrrrme a Natalia e Andrea que non viñeron esta semana e desexarlles que aproveiten a ponte para poñerse boas e vir  a vindeira semana a compartir con nós aventuras. . .
Aqui vos deixamos algunhas fotos que ilustran a nosa semana.





UNHA SEMANA CURTA PERO INTENSA.. on PhotoPeach

bicos.

Bibi.

viernes, 5 de octubre de 2012

PARECE QUE CHEGOU O OUTONO !!!

PARECE QUE CHEGOU O OUTONO !!! on PhotoPeach

Ainda que polo tempo non parece ... o Outono xa está con nós, así que comezamos a explorar cos 5 sentidos ... a facer algún traballiño e a cantar cancións do Outono... que xa sei que algún cantou na casa... imaxínome que versionada á súa maneira !!!

bicos.

Bibi.

sábado, 29 de septiembre de 2012

OS NOSOS PRIMEIROS DÍAS XUNT@S !!!

OS NOSOS PRIMEIROS DÍAS XUNT@S on PhotoPeach

Aqui vos deixo unha pincelada dos nosos primeiros días xunt@s, como dí a canción. . .
Agora que o período de adaptación rematou, xa nos xuntamos tod@s, e  comezamos cas nosas rutinas e hábitos propios da escola.

bicos.

Bibi.

viernes, 28 de septiembre de 2012

ESTA SEMANA CUMPLIRON ANOS . . .

Nesta semana tivemos dous cumpreanos, o de Noel o martes e o de Andrea hoxe. Xa teñen 3 aniños !!! 
Na clase celebrámolos cantándolles, comendo caramelos brandos e facéndolles un debuxo . Despois xuntamos os debuxos de tod@s e facemos con eles un libriño do cumple para agasallalos e que lles quede de recordo.
Aqui vos deixamos as fotos ca tarta para que vexades qué guapos sairon !!!


Por certo, a pregunta do millón foi  outra vez se a tarta era de comer . . .

bicos.

Bibi.


sábado, 22 de septiembre de 2012

O GATO GRANDE...

Nestes primeiros días, adiqueime a observar aos vosos fill@s, a ver cómo xogan, cómo falan, cómo se relacionan, cómo é a súa atención, cómo son de autónom@s . . . En definitiva, a coñecelos mellor para saber cal é o punto de partida neste tempo que nos queda por diante xunt@s. 

Nesta primeira toma de contacto, tamén tentei facerme unha idea de cómo pintaban,  ver se collían ben a pintura, se distinguían a figura do fondo para pintar "máis ou menos" por dentro. . . 
Así que, nestas averiguacións  decidimos darlles un gato para pintar, o gato levounos á canción, a canción a pintar tamén un rato, o rato levounos outra vez á canción. . . e agora é a canción de moda na nosa clase. . .

Aqui vos deixo o vídeo que puxemos na clase e co que cantamos "á nosa maneira". . . porque de momento,  non vos quero enganar, estamos verdes para ir a Eurovisión . . .

bicos.

Bibi.




LEMBRADE QUE O LUNS  XA TEMOS HORARIO NORMAL DE 9:00 A 14:00 E QUE OS PEQUEN@S SAIMOS 10 MINUTIÑOS ANTES PARA TER MÁIS TRANQUILIDADE.

martes, 18 de septiembre de 2012

OS NOSOS PRIMEIROS DÍAS NO COLE ! ! !

 A verdade é que tiña pensado facer primeiro un vídeo de presentación do grupo, pero estaba agardando a ter todas as autorizacións. Hoxe xa as conseguín  todas , así que a petición popular, porque xa me dixéchedes que tendes moitas ganas, e facendo unha excepción, porque normalmente non publico a metade de semana, aqui vos deixo unha pincelada das nosas primeiras aventuras no cole de maiores ! ! !

Son fotos da semana pasada e algunha de onte e de hoxe. 
Intento que saian tod@s, pero a verdade é que cando saco as fotos penso en captar o momento,  en que se entenda o que facemos, en que se vexa que non choran. . . en fin, que non se pode estar a todo. . .
Pero que ninguén se enfade,  porque saen e sairán tod@s ó longo do curso ! ! !

Desfrutade das fotos !

bicos.

Bibi.


OS NOSOS PRIMEIROS DÍAS NO COLE... on PhotoPeach


sábado, 15 de septiembre de 2012

FELIZ CUMPLE PAULA ! ! !

Onte celebramos o noso primeiro cumple deste curso, o de Paula que xa é unha chica de 3 anos !
Non estábamos tod@s porque foi no primeiro turno, pero @s que estábamos asegurámonos unhas cantas veces de que a tarta era de mentira e non se podía comer. . .


LEMBRADE !!! Fáltanme 3 autorizacións para poder poñer as fotos de tod@s  e que vexades o que fixemos nestes días. Teño probas de que algún e algunha que entrou chorando, logo estivo ben content@  e xogando como si nada ! ! ! ¿non queredes velas ??? je, je, je... 

bicos.

Bibi.