O PINCEL NON PARAAAAA!

 A primavera xa chegou á nosa aula!

Nestes últimos días, no Contexto Artístico, realizamos unha proposta moi colorida na que creamos unhas fermosas flores de primavera.

Ademais de pintar e dar renda solta á nosa creatividade, esta actividade permitiunos traballar aspectos moi importantes para a aprendizaxe. Tivemos que poñer moita atención para distinguir as flores do fondo, observar con detalle cada elemento e empregar as cores axeitadas en cada caso.

Deste xeito, mentres desfrutabamos creando as nosas obras de arte, tamén exercitamos a percepción visual, a concentración e a capacidade de seguir consignas, habilidades fundamentais nesta etapa educativa.

E, como podedes comprobar, o resultado encheu a aula de cor e de alegría, igual que a propia primavera! 

Pero , Pouco a pouco imos achegándonos ao verán, e no Contexto Artístico quixemos celebralo cunha proposta chea de cor e de mar .

Nesta ocasión pintamos unha gran balea nadando tranquilamente entre as ondas, un debuxo moi especial que se converterá na portada das nosas tarefas do terceiro trimestre.

A través desta actividade, ademais de desenvolver a creatividade e o gusto pola expresión artística, traballamos a atención e a observación, xa que tivemos que identificar os diferentes elementos do debuxo e empregar as cores máis axeitadas para cada un deles. Tamén puxemos en práctica a coordinación óculo-manual e a motricidade fina, intentando colorear con coidado e precisión.

Mentres pintabamos, aproveitamos para conversar sobre os animais mariños, o océano e a chegada do bo tempo, facendo voar a nosa imaxinación cara a praias, vacacións e aventuras de verán.

O resultado será unha portada preciosa, elaborada con moito esforzo e ilusión, que veredes próximamente. . . 

Seguiremos actualizando. . .

Biquiños

PROPOSTAS ARTÍSTICAS DE PRIMAVERA

 

Partindo do grande interese que o noso alumnado amosa polos dinosauros 🦖 e aproveitando a chegada da Pascua, momento no que moitos e moitas contaban con ilusión que lles regalaban ovos ou participaban en búsquedas de ovos de Pascua 🥚, decidimos unir ambos intereses nunha proposta moi creativa no Contexto de Arte.

Así naceron os nosos “ovos de Pascuasaurio”: unha actividade na que, paso a paso, aprendemos a debuxar e decorar ovos moi especiais, cheos de cor e imaxinación, combinando o mundo dos dinosauros coa tradición da Pascua.

Foi unha experiencia moi motivadora na que, ademais de desenvolver a creatividade, traballamos a atención, a motricidade fina e o gusto por expresarnos a través da arte.

Aproveitando tamén o interese que espertou no alumnado o lanzamento á lúa da nave Artemis 2 🚀🌕, levamos esta motivación ao Contexto de Arte cunha proposta moi especial: aprender a debuxar a nosa propia versión da nave.

Seguindo un modelo en grande que iamos construíndo paso a paso entre todos e todas, o alumnado foi reproducindo o debuxo de maneira individual, atendendo ás indicacións e observando con detalle cada parte da nave.

A través desta actividade, non só desfrutamos creando, senón que tamén traballamos aspectos moi importantes como a atención, a escoita activa, a orientación espacial (arriba/abaixo, dentro/fóra, proporcións…), a coordinación óculo-manual e a capacidade de seguir instrucións secuenciadas. Ademais, favoreceuse a autonomía e a confianza nas propias posibilidades ao comprobar que, paso a paso, eran quen de realizar un debuxo cada vez máis elaborado.

Foi unha experiencia moi motivadora na que combinamos ciencia, imaxinación e arte… e na que nos sentimos un pouco máis preto da lúa! 🌕

Seguiremos actualizando. . .

Biquiños

PROPOSTAS ARTÍSTICAS DE INVERNO

A piques de despedir o inverno, queremos amosarvos algunhas das propostas tan chulas que levamos a cabo no Contexto de Arte durante esta estación.

Convertémonos en pequenos artistas creando un collage moi especial: representamos as nubes con algodón, a choiva con grafismos en forma de trazos verticais e puxemos en práctica o noso control óculo-manual e a precisión, intentando non trazar liñas por riba das figuras humanas que aparecían co paraugas.

Ademais, tamén traballamos a lectoescritura e a motricidade fina recortando, ordenando e pegando as letras para formar a palabra inverno.

E como o inverno é tempo de frío… moi frío! , aprendemos a debuxar paso a paso un animal que vive onde as temperaturas son baixísimas: o pingüín 🐧. Seguimos as indicacións con moita atención e… conseguímolo!

Desfrutamos moitísimo destas propostas, aprendendo e creando ao mesmo tempo.

Seguiremos actualizando. . .