A BIBLIOTECA: UN LUGAR PARA APRENDER E DESCUBRIR.

 Nas clases de 5 anos encántanos ir á biblioteca do cole, porque é moito máis ca un sitio cheo de libros (aínda que iso xa nos encanta!). A biblioteca é un espazo máxico onde aprendemos xogando, descubrimos cousas novas e traballamos en equipo.

Alí, por equipos, xogamos con diferentes materiais e xogos que nos axudan a medrar e a desenvolver un montón de habilidades importantes nesta idade. Algúns exemplos son:

🔸 Atención e concentración, para aprender a estar máis tranquilos e centrados.
🔸 Memoria visual, para lembrar formas, imaxes e detalles.
🔸 Pensamento computacional e iniciación á robótica, para resolver problemas, seguir pasos e crear pequenas programacións.
🔸 Coordinación óculo-manual, moi necesaria para escribir, debuxar e manipular obxectos.
🔸 Creatividade e imaxinación, a través dos contos, dos xogos e das actividades.
🔸 Linguaxe e expresión oral, contando historias e falando entre nós.
🔸 Convivencia e traballo en equipo, aprendendo a compartir, escoitar e colaborar.

Cada visita á biblioteca é unha aventura que nos axuda a medrar felices, curiosos e cheos de ganas de aprender. Porque no noso cole… a biblioteca é un mundo de aprendizaxes!

Seguiremos actualizando. . .

Biquiños

Pilar e Bibi

24 DE OUTUBRO: DÍA DAS BIBLIOTECAS

 O pasado 24 de outubro tivemos unha xornada moi especial no colexio, porque celebramos o Día das Bibliotecas. A nosa biblioteca encheuse de risas, palabras e moita maxia! ✨

Os padriños e madriñas lectores e lectoras reuníronse cos seus afillados e afilladas para compartir un momento moi bonito: ler contos xuntos. Houbo historias de animais, aventuras, fantasía… e tamén moitos agarimos e complicidade entre grandes e pequenos. 💕

Foi unha mañá chea de imaxinación, emoción e amor polos libros, porque cada conto é unha porta aberta a novos mundos.

📖 Viva a lectura e viva a nosa biblioteca! 🌟

Seguiremos actualizando. . . 

Biquiños.

Pilar e Bibi

XOGAMOS AO MÉMORI DO DÍA DO LIBRO

 Para conmemorar o Día do Libro, dende o Equipo de Biblioteca preparáronos un memori de contos chulísimos . Tiñamos que emparellar cada portada co seu argumento , pasámolo xenial e acertámolos todos ! ! !

Seguiremos actualizando. . . 

DÍA DO LIBRO 2025: OS NOSOS LIBROS FAVORITOS

 Polo día do libro, trouxemos ao colexio os nosos libros favoritos, compartimos impresións cos compis contándolles os motivos polos que nos gustan tanto e subimos á biblioteca a ensinarllos a Burguiña.

Seguiremos actualizando. . . 

LIBERA UN POEMA: DÍA DA POESÍA 2025

 Para conmemorar o Día da Poesía,  propuxéronos dende o Equipo de Biblioteca que cada alumna /o do colexio escribise  un poema e depositárao nunhas gaiolas situadas na entrada do colexio.

Despois cando todo o colexio deixou os seus poemas na gaiola, voltamos alí para liberar un poema. Cada nena/o , liberou e levou para casa un poema escollido sen saber a súa autoría.

Compartimos e regalamos e liberamos poemas.

Seguiremos actualizando. . . 

CONTOS DE RATOS NA BIBLIOTECA.

 Dentro do Proxecto Terra, e para tentar contribuír  a mellorar o coñecemento sobre o entorno que habitamos e sobre a identidade de Galicia, poñendo en valor estes espazos e contribuíndo a coidalos e coidar o medioambiente, recibimos na Biblioteca unha visita moi especial que nos axudou a entender todo isto mellor cuns fantásticos contos de ratos. 

Seguiremos actualizando. . . 

24 de outubro; Día das Bibliotecas Escolares

 Para conmemorar o día das Bibliotecas Escolares , subimos á nosa Biblioteca acompañados/as dos/das nosos/as padriños e madriñas lectores/as a compartir fermosos momentos de lectura.

Seguiremos actualizando. . .

Biquiños

O POLO PEPE E MÁIS AVENTURAS NO COLE.

 Estes días estivemos preparando sorpresiñas do Polo Pepe.

Tamén aprendemos moito xogando e compartindo xunt@s e subimos á Biblioteca.

Seguiremos actualizando. . .

Biquiños

Bibi

CONTOS, VISITA AO INSTITUTO, ARTISTADAS E VERMES DE SEDA. . .

 Comezamos a semana celebrando O Día Internacional do Libro, compartindo lecturas no patio cos nosos padriños e madriñas lectores e lectoras.

Seguimos descifrando os enigmas musicais que nos trae o "Maestro Ratón", coñecendo instrumentos da orquestra e clasificándoos : corda , vento ou percusión.

Visitounos o alumnado de 4º curso de Educación Primaria para facernos uns experimentos e explicarnos científicamente o que acontecía.

Contamos o conto : "La pequeña oruga glotona".

Observamos e aprendemos o ciclo de vida dos vermes de seda.

Xogamos e aprendemos coas mates e coa pequena eiruga glotona.

No recanto de modelado fixemos unhas figuras que pintaremos cando sequen seguindo o estilo de Yayoi Kusama.

No recanto do pincel, fixemos unhas xirafas empregando de modelo as nosas propias mans. 

Logo pintamos as xirafas con pincel e pintura e quedaron fermosísimas.

Esta semana, o alumnado de Educación Infantil do noso colexio asistiu a unha actividade intercentros no IES Blanco Amor de Culleredo.

¡Visitamos o instituto rebosantes de ilusión e sentímonos un chisco máis maiores e todo!

Ali o alumnado de 4° da ESO ensinounos moitas cousiñas de María Victoria Moreno e contounos un conto  moi fermoso que tiña como protagonista un vagalume.

Ao rematar o conto fixeron con nós unha actividade plástica na que nos axudaron a elaborar o noso propio vagalume e tamén ensináronos a súa Biblio  e léronos mooooitos contos.

Seguimos investigando e aprendndo cousiñas sobre a vida e a obra da artista xaponesa  Yayoi Kusama.

E compartimos moitos momentos de xogos e diversión.

Seguiremos actualizando. . .

Biquiños

Bibi

COUSIÑAS QUE AÍNDA NON VOS CONTAMOS

 Xusto antres das vacacións de Semana Santa fomos á cociña coa profe Mónica a preparar o biscoito dos cumpreañeir@s do mes de marzo para convidar aos compis na clase.

Para conmemorar o Día Mundial do Autismo, o 2 de abril, antes das vacacións de Semana Santa, fixemos un símbolo do infinito entre todas as clases de infantil. Cada clase tiña que decorar unha das pezas do puzzle do infinito cunha frase. 

Despóis, á volta das vacacións de Semana Santa,  sacámonos unhas estupendas fotos de grupo co infinito que fixemos entre todas as clases e que colocamos na entrada de Infantil.

 

Esta semana tamén fixemos debuxos para @s cumpleañeir@s do mes de abril.

Desciframos outro enigma de Música no que o instrumento agochado era esta vez o chelo.

Debuxamos unhas flores xeométricas con rotus e mooooita paciencia.

A Matteo caeulle o seu primeiro dente nas Vacacións de Semana Santa.

Cando nos cae o noso primeiro dente, O Rato Pérez déixanos na súa casiña da Biblioteca do cole un miniconto chuísimo.

Fixemos a portada dos traballiños dos Xogos Olímpicos para preparalos e levalos para casa o venres.

Seguimos aprendendo cousas de Yayoi Kusama e da cultura xaponesa. 

A súa familia tiña viveros e de pequena pasaba o día no medio de flores debuxando.

Aprendimos que unha das flores máis típicas do Xapón é a flor do cerezo que sae precisamente nestas datas e que se chama SAKURA.

Visitamos a Biblioteca para levar a cabo os talleres da Biblioteca Creativa: Imáns, mesa de luz, xogos de memoria e orientación espacial e realidade aumentada.

Aqui  nos tendes desfrutando dun xogo cos imáns.

Xogamos na mesa de luz a facer unhas pirámides estupendas.

Alucinamos co que podemos facer coa realidade aumentada.

Puxemos en marcha a nosa concentración para facer os xogos de memoria e orientación espacial.

E tamén desfrutamos de moitos momentos de xogos compartidos nos distintos recantos.

Seguiremos actualizando. . .

Biquiños

Bibi

SEMANA DO 20 AO 24 DE MARZO

 Esta semana estivemos investigando o aparello dixestivo.

Por iso, estivemos vendo o seguinte vídeo:

No Contexto de Arte fixemos uns dentes de león moi especiais.

Tamén preparamos as nosas carpetas para os nosas tarefas artísticas.

Xogamos ao dominó de letras que nos trouxo Diego e pasámolo xenial.

Na Biblioteca xogamos no recanto maker, limos contos, pasámolo xenial cos Lego e cos imáns, e experimentamos coa realidade aumentada.

Comezamos algunha sorpresiña de Primavera. . .

Xogamos coas Mates dándolle prioridade ao aprendizaxe manipulativo.

E o venres rematamos a semana pasándoo moooooi ben co profe Ramiro facendo Teatro dentro do Programa Mus-e.

Seguiremos actualizando. . .

Biquiños.

Bibi