UN POUCO DE TODO. . .

Nestes últimos días fixemos un pouco de todo.

Tentaremos facervos un resumo.

Preparamos as portadas dos traballos do terceiro trimestre. Moi veraniegas, porque xa estamos preparados para ir á praia ! ! ! Alguén necesita unhas chanclas ??? O patrón atopeino na páxina http://krokotak.com/.

Fixemos un cadro con rotus de cores , facendo liñas rectas e unindo puntiños.

Rematamos as caixas para levar para casa o loto de animais mariños.

Temos que xogar a facer as parellas e así traballar a memoria e a atención.

E convén que conservemos o xogo para poder completalo para o próximo curso facendo os nomes dos animais, e traballar a lectoescritura.

Merendamos vendo a peli de "Bichos", e non só os venres por ser venres  de cine ! ! !

Martín trouxo unha maqueta dunha vacaloura, igualiña á de verdade ! ! !

E. . . a pouquiños. . . xunto cos campañeir@s da clase de Pilar, rematamos o cadro de Jorge Peteiro que estabamos a versionar á nosa maneira.

E quedou ben bonito ! ! ! 

Peteireando xuntos ! ! ! on PhotoPeach

Bicos e boa semana.

Xa non queda nada ! ! !

UNHA PLAGA DE INSECTOS ! ! !

Hai moitas cousas de insectos que aínda non vos ensinamos.

Por exemplo, seguimos recibindo axuda: pegatinas para as nosas portadas dos traballos, bonecos, debuxos e ata insectos de verdade ! ! !

Despóis de ver o escarabello real que trouxo Marc, fixemos o noso propio e escribimos o nome de distintas partes do seu corpo.

Xa temos claro que a única que non traballa no formigueiro é a raíña, que se adica só a poñer ovos ! ! !

Ordeamos as formigas según o seu tamaño, de menor a maior.

Vimos na pizarra dixital unha presentación intererantísima sobre as abellas.

Fixemos insectos de plastilina como esta estupenda xoaniña ! ! !

Sumamos bolboretas con Paula ! ! !

Cantamos e bailamos o RAP POS ARÁCNIDOS, que NON son insectos ! ! !

E escoitamos, con moita atención, toda a información sobre insectos que nos vai lendo a profe para saciar a nosa curiosidade, que ás veces parece infinita ! ! !

Aqui vos deixamos un vídeo resumo do moito que imos facendo.

UNHA PLAGA DE INSECTOS ! ! ! on PhotoPeach

Que teñades unha boa semana! ! !

Mirade as gafas que fixemos e o ben que o pasamos no parque dos maiores, nas entradas que hai a continuación.

Bicos.

A XOANIÑA ROSMONA.

A medida que pasa o tempo, tentamos escoitar os contos con máis atención.

Isto é moi importante, pois temos que aprender a escoitar, atender e entender o que escoitamos, como base fundamental para futuros aprendizaxes.

Lernos contos, entre outras moitas cousas, mellora a nosa atención , a nosa comprensión e o noso vocabulario.

E cando a nosa atención é boa, somos capaces de facer debuxos tan fermosos coma estes, nos que plasmamos a nosa comprensión da historia e lembramos moitos detalles.

Veredes como nos nosos debuxos aparecen moitos dos animaliños cos que se atopa a xoaniña rosmona ao longo do conto.

A XOANIÑA ROSMONA on PhotoPeach

Bicos.

TENTAMOS ESCRIBIR SOLIÑ@S! ! !

 Nestes últimos días, tendo en conta a ansia que nos levan as letras , ler e escribir; a profe propúxonos escribir as 3 partes nas que se divide o corpo dos insectos.

Das nosa cabeciñas saía fume ! ! ! ja ja ja. . . Pero non o fixemos nada mal, cada un ao seu ritmo e según as súas posibilidades; porque coma sempre, non hai presa. . . só son pequenos experimentos! ! ! 

O que si me parece interesante é que lles digades que tenten razonar eles e non copiar polo veciño do lado, como lles digo eu . . . ejem. . . xa tan pequeniñ@s e copiando !!! ja,ja, ja. . . 

 Agora en serio, este tipo de experimentos, axúdanme a saber cómo razonan e e qué etapa do proceso de adquisición da lectoescritura se atopan, para poder axudalos mellor. Por iso, non ten ningún valor, nin me resulta de axuda o copiado do veciñ@; salvo para saber que teñen moita pillería (cousa que a estas alturas da peli xa sabía, por certo).

Aqui os tendes en acción: coloreando a formiga, recortando as tres partes, pegándoas ordenadas para facer o puzzle e tamén escribindo o nome de cada unha das 3 partes do corpo. 

Por certo, aproveito para contarvos que últimamente facemos moitas actividades que implican recortar, e posto que nos ímos facendo maiores tamén podemos recortar na casa para coller máis práctica e mellorar así a motricidade fina.

AS PARTES DO CORPO DO INSECTO on PhotoPeach

Un último consello: Non teñades presa porque lean ou escriban, cada un ten o seu ritmo de maduración e vaino facer ao seu tempo. O importante é que atendan e que escoiten,  isto último é moooooi importante.

Bicos.

SEGUIMOS RECIBINDO AXUDA COS INSECTOS.

Seguimos recibindo axuda do mais variada para investigar os insectos: xogos, debuxos, bonecos para xogar de distintos bichos, vídeos, películas, etc.

Aqui tendes unha pequena mostra do que ímos recibindo, faltan cousas aínda que vos iremos mostrando pouco a pouco.

SEGUIMOS RECIBINDO AXUDA! ! ! on PhotoPeach

Aqui tendes o vídeo que trouxo Rita, ca historia dunha bolboreta que entrou na súa terraza, puxo ovos nunha planta da súa nai e . . . 

E este é o vídeo que trouxo Noel, con fotos de moitos bichiños dos que fomos falando para distinguir os que eran insectos dos que non.

Graciñas a todos pola vosa colaboración !!!

Bicos.

EXPOSICIÓN DE BICHOS.

Comezamos a semana vendo unha exposición de bichos con material aportado polas familias.

Para que os nen@s non se confundisen, aos que non eran insectos puxémoslle un puntiño vermello.

Pero tod@s teñen moi claro xa que os insectos son os que teñen só 6 patas ! ! !

Aqui nos tendes en acción, formaliños como si estivésemos nun museo ! ! !

EXPOSICIÓN DE BICHOS. on PhotoPeach

Estamos desfrutando moito este proxecto.

Graciñas familias polas vosas aportacións ! ! !

INVASIÓN DE INSECTOS NA CLASE ! ! !

Este trimestre ímos investigar os insectos. Para iso, unha vez mais teño que agradecer a colaboración das familias que xa mandaron moito e diverso material. Aqui tendes unha mostra! ! !

Axuda cos insectos ! ! ! on PhotoPeach

Puxemos os cerebros a funcionar para pensar que sabemos dos insectos e que nos gustaría aprender.

E tomamos boa nota das nosas ocurrencias. . . que son moitas. . . 

Eleximos un nome para as nosas mesas, falando, convencendo aos compañeir@s, facendo alianzas, e mesmo nalgún caso discutindo un pouquiño. . . ejem. . . 

Pero o trato era que tiñan que aprender a falar, escoitarse (cousa ben importante e que lles custa moooooito) e poñerse  dacordo para elexir un insecto e un encargado de ir buscalo e colocalo na mesa.

E aqui nos tendes en pleno Consello de Ministros ! ! !

Ao final a cousa quedou así, pero. . . con algún reaxuste que tiven que facer eu nesta semana por problemas de comportamento. . . ejem. . . moito falamos pero pouco escoitamos e non deixamos traballar.

Vimos parte dunha presentación sobre insectos que nos preparou a profe Pilar e agora xa sabemos algunhas  cousas: 

1. O mais importante, que para saber distinguir aos insectos temos que contarlles as patas: os insectos teñen 6 patas.

2. O corpo dos insectos divídese en 3 partes: cabeza, tórax e abdome.

3. Teñen 2 antenas.

4. Non todos teñen ás.

As libélulas por exemplo si que teñen. 

Algunhas formigas non teñen.

5. Nacen dun ovo, polo que son ovíparos.

6. As arañas NON son insectos porque teñen 8 patas.

Aqui nos tendes vendo a presentación:

Preparamos a portada do  traballo que imos facer para estudar os insectos.

Comimos galletas con abelliñas que nos trouxo Victor para merendar ! ! !

Deixamos que os insectos invadisen a nosa clase e as nosas vidas! ! !

E tamén vimos algúns vídeos que nos fan rir mooooooito, nos que vemos insectos, pero tamén traballamos a empatía, o poñerse no lugar do outro, non chinchar, molestar nin portarse mal cos compañeir@s.

Son curtos que dan moito xogo para ter conversas moi interesantes e traballar valores ou conductas pouco acertadas.

Este é dunhas xoaniñas un pouco burlonas. . . 

E este dun saltamontes con gusto polas bromas pesadas. . . 

Desfrutade da ponte e voltade con moitas ganas, que xa non queda nada e temos que comezar a practicar para portarnos como nen@s de 5 anos, xa que para o próximo curso seremos os maiores de infantil! ! !

Moitos bicos.