LETRAS GALEGAS 2023, PAXARIÑOS, YAYOI KUSAMA E MOITO MÁIS. . .

 Esta semana no Contexto de Arte pintamos uns paxariños fantásticos.

A profe Ana voltou  de visita e para axudarnos coas artistadas .

Fixemos composicións artísticas con diversos materiais e xogos.

Celebramos o Día das letras Galegas , adicado este ano a Francisco Fernández del Riego, todos/as xuntos/as no patio do colexio , onde puidemos presenciar distintas actuacións de todos os cursos, a entrega de premios de relato curto e poesía e para o fin de festa desfrutamos do Himno Galego.

Aqui vos deixamos unha escolma de fotos da conmemoración.

Ademáis o alumnado de Educación infantil bailamos a muiñeira coa canción "Pousa" de Uxía Lambona e a banda molona.

Tamén preparamos un vídeo de "Palabras riquiñas" que podedes ver no seguinte enlace , que vos levará á páxina web da nosa Biblioteca

PALABRAS RIQUIÑAS

Para participar nos "Xoves de ciencia" do colexio ,continuamos a facer a nosa maqueta para explicar o funcionamento do aparello dixestivo.

Esta semana colocamos as pegatinas do Anybook nas distintas partes do corpo, logo grabámonos explicando o que pasaba en cada unha delas e agora ao pulsar co lápis do Anybook sobre elas pódese escoitar a nosa explicación.

Tamén estivemos preparando as partes móbiles da nosa maqueta e xa pronto poderedes vela ao completo.

Fixemos puzzles en equipo.

Estamos rematando a secuencia didáctica de debuxar aos compis , xa casi nos debuxamos a tod@s! ! !

No Contexto de Teatro inventamos e representamos contos con: presentación, nudo e desenlace.

Aprendemos, escribimos e debuxamos vocabulario de primavera.

Facemos xogos de lectoescritura.

Como xa investigamos moito sobre a vida e a obra de Yayoi Kusama, agora estamos a aprender cousas sobre a cultura do seu país: Xapón.

Comezamos pola súa bandeira, aprendendo que representa o sol e chámase HINOMARU, que significa  CÍRCULO SOLAR.

Tamén xogamos a inventar bandeiras e representalas modelando plastilina.

Seguiremos actualizando. . .

Biquiños

Bibi

CONTOS, VISITA AO INSTITUTO, ARTISTADAS E VERMES DE SEDA. . .

 Comezamos a semana celebrando O Día Internacional do Libro, compartindo lecturas no patio cos nosos padriños e madriñas lectores e lectoras.

Seguimos descifrando os enigmas musicais que nos trae o "Maestro Ratón", coñecendo instrumentos da orquestra e clasificándoos : corda , vento ou percusión.

Visitounos o alumnado de 4º curso de Educación Primaria para facernos uns experimentos e explicarnos científicamente o que acontecía.

Contamos o conto : "La pequeña oruga glotona".

Observamos e aprendemos o ciclo de vida dos vermes de seda.

Xogamos e aprendemos coas mates e coa pequena eiruga glotona.

No recanto de modelado fixemos unhas figuras que pintaremos cando sequen seguindo o estilo de Yayoi Kusama.

No recanto do pincel, fixemos unhas xirafas empregando de modelo as nosas propias mans. 

Logo pintamos as xirafas con pincel e pintura e quedaron fermosísimas.

Esta semana, o alumnado de Educación Infantil do noso colexio asistiu a unha actividade intercentros no IES Blanco Amor de Culleredo.

¡Visitamos o instituto rebosantes de ilusión e sentímonos un chisco máis maiores e todo!

Ali o alumnado de 4° da ESO ensinounos moitas cousiñas de María Victoria Moreno e contounos un conto  moi fermoso que tiña como protagonista un vagalume.

Ao rematar o conto fixeron con nós unha actividade plástica na que nos axudaron a elaborar o noso propio vagalume e tamén ensináronos a súa Biblio  e léronos mooooitos contos.

Seguimos investigando e aprendndo cousiñas sobre a vida e a obra da artista xaponesa  Yayoi Kusama.

E compartimos moitos momentos de xogos e diversión.

Seguiremos actualizando. . .

Biquiños

Bibi

COUSIÑAS QUE AÍNDA NON VOS CONTAMOS

 Xusto antres das vacacións de Semana Santa fomos á cociña coa profe Mónica a preparar o biscoito dos cumpreañeir@s do mes de marzo para convidar aos compis na clase.

Para conmemorar o Día Mundial do Autismo, o 2 de abril, antes das vacacións de Semana Santa, fixemos un símbolo do infinito entre todas as clases de infantil. Cada clase tiña que decorar unha das pezas do puzzle do infinito cunha frase. 

Despóis, á volta das vacacións de Semana Santa,  sacámonos unhas estupendas fotos de grupo co infinito que fixemos entre todas as clases e que colocamos na entrada de Infantil.

 

Esta semana tamén fixemos debuxos para @s cumpleañeir@s do mes de abril.

Desciframos outro enigma de Música no que o instrumento agochado era esta vez o chelo.

Debuxamos unhas flores xeométricas con rotus e mooooita paciencia.

A Matteo caeulle o seu primeiro dente nas Vacacións de Semana Santa.

Cando nos cae o noso primeiro dente, O Rato Pérez déixanos na súa casiña da Biblioteca do cole un miniconto chuísimo.

Fixemos a portada dos traballiños dos Xogos Olímpicos para preparalos e levalos para casa o venres.

Seguimos aprendendo cousas de Yayoi Kusama e da cultura xaponesa. 

A súa familia tiña viveros e de pequena pasaba o día no medio de flores debuxando.

Aprendimos que unha das flores máis típicas do Xapón é a flor do cerezo que sae precisamente nestas datas e que se chama SAKURA.

Visitamos a Biblioteca para levar a cabo os talleres da Biblioteca Creativa: Imáns, mesa de luz, xogos de memoria e orientación espacial e realidade aumentada.

Aqui  nos tendes desfrutando dun xogo cos imáns.

Xogamos na mesa de luz a facer unhas pirámides estupendas.

Alucinamos co que podemos facer coa realidade aumentada.

Puxemos en marcha a nosa concentración para facer os xogos de memoria e orientación espacial.

E tamén desfrutamos de moitos momentos de xogos compartidos nos distintos recantos.

Seguiremos actualizando. . .

Biquiños

Bibi

SEMANA DO 6 AO 10 DE MARZO

No Contexto de Teatro seguimos traballando cos contos .

Vimos o corto animado : Piper. 

O protagonista deste fermoso corto de Pixar é un paxaro con medo a abandoar o seu niño para aventurarse a cazar ameixas na praia. É unha historia que nos fala sobre medos e sobre cómo vencelos, que nos axudou a reflexionar na asamblea sobre a importancia de superar os nosos temores e vencer as adversidades.

Aqui vos deixamos a historia para poder vela de novo si lles apetece.

Para conmemorar o Día da Muller, o pasado 8 de marzo fixemos uns debuxos marabillosos das mulleres máis importantes das nosas vidas.

Elaboramos uns esquiadores en trineo chulísimos.

No Contexto de Xogos-Proxecto investigamos o  cerebro, vimos un vídeo moi interesante e fixemos un súpertraballo con parte do aprendido.

Aqui vos deixamos o vídeo para repasar o aprendido.

No Contexto casa-pobo aprendemos moito con xogos de matemáticas manipulativas.

Plantamos amorodos no invernadoiro.

Traballamos a Semana da prensa na Escola buscando anuncios de Yayoi Kusama en revistas.

Deixamos voar a imaxinación , e a partires dun círculo de Yayoi Kusama inventamos un cadro novo.

O venres rematamos a semana por todo o grande, en Mus-e, facendo Teatro co profe Ramiro.

Primeiro tocou facer como se fósemos velliños e velliñas.

Despois fomos capaces de facer algo moito máis difícil: ser coches de carreiras ata chegar á silla onde se sentaba Ramiro e a partir da silla converternos en velliñas e velliños.

Fixemos un traballo estupendo!!!

Somos súper actrices a actores! ! !

Seguiremos actualizando. . .

Biquiños

Bibi