PICASSEANDO COLLAGES.

Continuamos traballando un pouquiño máis ao pintor malagueño e aventurámonos a facer uns fermosos "retratos picassianos" empregando a técnica do collage.

A actividade resultou moi divertida e imaxinativa, xa veredes como as súas obras son orixinais e . . . verdadeiras obras de arte ! ! !

Por equipos, tiñan que compartir distintos retratos feitos por Picasso e recortar deles a parte da cara que precisasen sen romper o resto, pois podía ser empregado polo resto dos compañeir@s.

Qué importante é ter en conta aos demáis e a colaboración ! ! !

Tod@s o entenderon moi ben e recortaban con moito coidado: eu quero este pelo, ti toma estes ollos, pídome estas orellas, etc.

@s profes damos exemplo ! ! ! Grazas profe Eva por unirte aos nosos experimentos e axudarnos! ! !

Mirade qué fermosos quedaron os nosos collages e qué exposición montamos no corredor xunto á nosa clase.

Na seguinte montaxe de vídeo podedes ver máis polo miúdo todos os nosos collages.

COLLAGES PICASSIANOS on PhotoPeach

Tamén visitamos a exposición adicada a Picasso na entrada do colexio e,  como si dun verdadeiro museo se tratase, admiramos e comentamos as obras ali expostas sen pasar a banda de seguridade e , por suposto, sen tocar.

Si queredes ver con máis detalle cómo elaboramos os collages e a visita á exposición do colexio non tendes máis que tomar asiento e desfrutar da seguinte montaxe en imaxes.

Picasseando II on PhotoPeach

Aqui vos deixamos unha foto de grupo para o recordo.

E xa para rematar, achégovos información dunha proposta do Museo de Belas Artes con motivo do Día Internacional dos Museos para o vindeiro DOMINGO 17 DE MAIO.

Taller "Picasso en familia"

Unha divertida proposta para toda a familia, para achegarse ao neno Pablo e á Coruña á que chega a finais do século XIX a través do xogo e o diálogo coas obras, abordando o seu gran paisión: o debuxo e a pintura. Actividade dirixida a nenos e nenas de entre 5 e 12 anos, acompañados por un adulto.

Para esta visita requírese anotación previa (máximo dous nenos por chamada) que se abre o luns 11 de maio en:

Teléfono: 881 881 700 (de luns a venres, de 10 a 14 horas)

Bicos e boa semana.

PICASSEANDO.

Con motivo da exposición "El primer Picasso" da que se pode desfrutar no Museo de Belas Artes da Coruña, quixemos facer dende a escola unha homenaxe ao pintor que pasou a súa infancia na nosa terra, por iso na entrada do colexio podedes visitar a nosa exposición adicada ao pintor malagueño.

Aprendimos moitas cousas sobre a súa vida e a súa obra, algunhas delas grazas ao libro "El sueño de Picasso" .

Logo, o alumnado de 5 anos A e 5 anos B tentamos reproducir ao noso estilo o seu cadro " Maya con barco " e este foi o resultado:

Coma sempre, tentamos achegarnos ao arte dende distintos enfoques, por iso traballamos unha poesía de Carlos Reviejo adicada ao pintor que se titula: "Este Picasso es un caso".

Nela aparece moitas veces o nome do pintor e nos tentamos atopalo como si dunha sopa de letras se tratase.

Posto que falamos moito de retratos e autorretratos, e discurrimos entre tod@s cal era a diferencia  entre ambos, ao final acordamos facer un retrato Picassiano e así foi como imitamos ao pintor.

A verdade é que sairon uns cadros ben fermosos.

No seguinte vídeo podedes ver cómo traballamos ao pintor malagueño:

O primeiro Picasso no Ría do Burgo. on PhotoPeach

Antes de rematar esta entrada adicada a Picasso, gustaríame recomendarvos unha actividade familiar que se leva a cabo no Museo de Belas Artes da Coruña: o taller Picasso en familia, que se desenvolve os sábados e domingos pola mañán e vai dirixido a nen@s entre 5 e 12 anos. Picade no enlace si queredes máis información.

PICASSO EN FAMILIA

Penso que é unha actividade que van desfrutar moito posto que amosaron moito interese e de feito seguimos facendo algunha cousiña que xa vos amosaremos.

E agora  a desfrutar dos nosos retratos picassianos:

RETRATOS PICASSIANOS on PhotoPeach

Bicos.

REPASADE O QUE APRENDIMOS DE PICASSO !

Despois de días "pelexando" cas novas tecnoloxías, por fin, conseguín subir a actividade que fixen para que repasedes algunhas cousiñas que aprendimos de Picasso . . . non teño claro si saberei voltar a facelo. . . Agora entendo cómo se senten os / as peques cando non lles sae algo e o intentan veces e veces. . .
Espero que o pasedes ben xogando. . .

NON SÓ DE ENTROIDO VIVEN OS PIRATAS.

Como veredes, nestes días fixemos algo máis que choqueiradas.
Aqui deixamos os avances do noso Guernica compartido ca outra clase de 5 anos, e tamén os Guernicas individuais que fixemos. Todos están expostos no corredor de diante da clase e é curioso ver como cada un de nós ten a súa visión, porque todos son diferentes.
Temos que agradederlle á profe Eva (mamá de Xabi) a noticia sobre Picasso que nos trouxo, xa que con ela outra vez puidemos investigar a través do xornal.
Tamén contarvos que rematamos as nosas pesquisas sobre Exipto e Xabi trouxo dous libros cos que fixo unha "tese doutoral" sobre o tema.
E por último dicirvos, que a profe tén un pouco de manía con iso de facernos pensar... e trouxo un xogo para o rincón de lectoescritura co que nos sae o fume polas orellas...

AS NOVAS PICASSADAS E O NOSO PEQUENO GRAN HOME DO TEMPO

Nestes días as nosas investigacións de Picasso non avanzaron moito porque a gripe ven a por nós e déixanos sen forzas, podemos facer un concerto de toses ou concurso para ver quén se sona máis veces...e non se libra ninguén...nin a profe. Por certo, un bico a Xabi, Pablo e Xoana que están maliños.
Seguimos pintando no noso Guernica, sen prisa pero sen pausa, agora agardamos ir máis rápido porque tamén están pintando os nen@s da clase da profe Elena.
E nestes días de tanto frío, Carlos converteuse no noso pequeno gran home do tempo, porque trouxo un libro no que explicaba un lote de cousas interesantísismas, cómo se forma o vento, as nubes, a choiva...e todo o explica cun sorriso, ata o que non sabe ler ben... Graciñas Carlos. Gústasnos máis que Mario Picazo...

No xornal tamén se investiga

Esta semana unha noticia sobre o Guernica chamou a nosa atención, algúns escoitámola na tele, outros vímola no xornal e o profe Xoán mandounos a noticia da edición dixital dun xornal.
As nosas cabeciñas, (ou "o celebro", como dí algún...) comezaron a traballar. Así que atopamos a noticia nun xornal, recortámola e fixemos unha copia para cada un, para analizala detidamente.
Falamos das distintas seccións que teñen os xornais (e Sara contounos que sempre fai os 7 erros da sección de pasatempos ca súa nai), aprendimos a atopar o titular da noticia e rodeámolo, e tentamos ler o pé de foto e alguha outra cousiña máis, pero algunha palabra era moi difícil.
Ca axuda da profe, despois de ler a noticia, fixemos un resumo e escribímolo como verdadeiros xornalistas.
Pero non pensedes que iso foi todo, seguimos reinventando o Guernica pouquiño a pouco, falamos da pomba da paz de Picasso, a profe trouxo un libro do corpo interesantísimo e Pablo un xogo para sumar que lle trouxeran os Reis que estaba xenial!!!

Picasseando...

Como vedes, estivemos facendo un lote de cousas nestes días.
O día que nos tocou ir ao rincón de arte pintamos un cadro de Picasso con ceras brandas, estivemos lendo a información que trouxeron Alexis, Adrián e Aday, e a profe leunos un libro que se chama "Un cuadro de Picasso" co que aprendimos un lote de cousas do Guernica.
Tamén pintamos o cadro "Os tres músicos", cada un ao noso gusto, e debaixo escibimos o título.
E xa sabemos asinar. Cada un inventou a súa sinatura para poñer dende agora nas súas obras de arte e...xa veredes que as temos para todos os gustos.

Reinventando o Guernica

Seguimos investigando...

Esta semana seguimos investigando a Pablo Picasso.
Antes de Nadal, comezamos pensando no que xa sabíamos del e no que nos gustaría aprender, e estivemos lendo o material que trouxeron Xabi, Daniel Pereyra e Marcos Regueiro. Tamén colocamos pola clase as láminas con cadros que trouxeron Pedro e Belén, e as fotos con cadros que trouxo Sara, e falamos de todos eles un pouquiño.
Esta semana estivemos lendo o material que trouxeron Belén, Pablo e Dani Pastoriza, estamos comezando polo máis sinxelo, e ademáis estamos facendo un libro cas cousas que aprendemos.
O luns, subimos á pizarra dixital a investigar cousas cos nen@s da outra clase de 5 anos, os da profe Elena, e gustounos tanto que o xoves as profes leváronos outra vez!!!
Estivemos lendo un conto co que aprendimos moito que se chama "El sueño de Picasso", no que o texto e as ilustracións son de Marta Rivera Ferner.

Investigando a Picasso

Os nenos e nenas de 5 anos estamos investigando a Pablo Picasso. Sabemos que naceu en Málaga e que estivo vivindo na Coruña cando era pequeno. Tamén sabemos que viviu en Barcelona e en París. Estivemos buscando no mapa onde quedan estes sitios. Estamos aprendendo  a coñecer algúns dos seus cadros máis famosos: O Guernica, a Pomba da Paz, O ramo da amizade, Os tres músicos...

Queremos agradecer ás  familias que nos axudaron moito a investigar na casa para atopar información e levala á escola para contarlla aos compañeiros e compañeiras.

Chamounos moito a atención algunhas das caras que Picasso lles pintaba ás veces ás persoas, parecían como tolas e deformadas. No seguinte enlace  nós tamén podemos xogar a crear "caras tolas" como Picasso.

http://www.mono-1.com/monoface/main.html

Á volta das vacacións seguiremos investigando...