CONTOS, BISCOITOS, MODELADO, MATES MANIPULATIVAS E MOITO MÁIS. . .

 No Contexto de Teatro estamos a traballar as partes dos contos. Deste xeito , as historias que inventamos e representamos por equipos no escenario están sendo moito máis elaboradas.

Elaboramos os biscoitos dos cumpleañeir@s de abril e maio.

Participamos na Carreira Solidaria Save the Childen polo Día de Europa.

No contexto de casa-pobo fixemos a lista da compra.

Compartimos momentos de xogar e aprender.

No Contexto de  Arte fixemos distintas composicións artísticas.

Tamén fixemos modelado en equipo de xeito colaborativo.

E recortamos follas para montar unha sorpresiña.

Ademáis continuamos pintando as esculturas estilo Yayoi Kusama que modelamos a semana pasada.

Seguimos aprendendo matemáticas de xeito manipulativo con distintos xogos no Contexto de Casa-pobo:

- Construímos contando.

- Completamos a serie numérica do Monstro de cores.

- Xogamos á pizza matemática.

- Facemos sumas e restas con flores e regadeiras.

- No Supermercado facemos o inventario, atendemos aos clientes e clasificamos e preparamos pedidos nos carros da compra.

Ás veces en lugar de ler conto, vemos un corto animado e logo reflexionamos e falamos na asamblea sobre o seu argumento. 

Esta vez tocou falar sobre o bullying coa curtametraxe: Un puercoespín en Navidad.

Estamos a facer unha maqueta do aparello dixestivo para participar nos  " xoves de Ciencia" do colexio.

Despedimos a Ana, que remata as súas prácticas do Grao de Mestra de Educación Infantil, cunha sorpresa que lle tiñamos preparada e que. . . algún "paxariño" custoulle non dicirllo. . . ¡Aiiiii eses paxariños faladores...qué perigo teñen!!!

Pero Ana tamén tiña unha sorpresa para nós, fíxonos brownie de chocolate riquísimo para convidarnos á merenda.

¡Grazas por todo profe Ana!

Xa sabes que aqui tes as portas abertas sempre .

Seguiremos actualizando. . .

Biquiños

Bibi

SEMANA DO 13 AO 17 DE MARZO DE 2023

 Esta semana pasámolo xenial xogando ao Bingo de Letras.

Aqui nos tendes en acción xogando.

Fixemos a lista da compra, fomos mercar e atendimos a tenda.

No Contexto de Teatro inventamos e representamos pequenas historias e xogamos e aprendemos coa letra P.

Seguimos vendo cortos para pensar  na asamblea e aprender. Esta vez, vimos o corto "For the birds" . Este corto de Pixar aborda o tema do respecto ás diferenzas e convídanos a reflexionar sobre a importancia de respectar a tod@s por igual e ser máis empátic@s e tolerantes cos que nos rodean.É unha verdadeira chamada de atención sobre a discriminación, a exclusión e os estereotipos.

No Contexto de Arte fixemos uns coellos de Pascua con pinturas e pincel .

Tamén fixemos uns pitiños e uns coellos bailaríns.

No Proxecto do corpo estivemos investigando a nosa boca e cómo debemos coidala.

E compartimos unha morea de momentos de xogo.

Seguiremos actualizando. . .

Biquiños

Bibi

SEMANA DO 27 DE FEBREIRO AO 3 DE MARZO

 Esta semana rematamos os nosos bonecos de neve.

Compartimos xogos e aventuras, imaxinando xunt@s.

No Contexto de casa-pobo facemos a lista da compra, ímos á tenda, ás veces tócanos ser clientes e outras tendeiras e tendeiros, etc.

No Contexto de Teatro, aprendemos a falar en público e inventamos pequenas historias en equipo para representalas no escenario.

Un dos contos que contamos esta semana foi : Leotolda. Gustounos moito porque tiña un final inesperado. Non chegamos a coñecer á protagonista do conto, pero foron dándonos pistas ao longo da historia para saber cómo era Leotolda e ao rematar tiñamos que debuxala nós.

O martes, os compis que estiveron de aniversario no mes de febreiro nas dúas clases de 5 anos subiron a facer uns biscoitos  á cociña coa profe Susana e convidáronos a tod@s.

Seguimos desfrutando coas historias do "Maestro Ratón", coñecendo os instrumentos da orquestra e descubrimos un novo enigma.

Comezamos a facer uns esquiadores en trineo.

Pasámolo xenial en Mus-e, representando co profe Ramiro en Teatro : un castelo, un barco pirata e unha nave espacial.

E tamén tivemos a oportunidade de observar de cerca unhas prumas de pavo real, descubrindo que parece que teñen ollos .

Seguiremos actualizando. . .

Biquiños

Bibi

SEMANA DO 6 AO 10 DE FEBREIRO

 Esta semana chegou á nosa clase unha profe nova, chámase Ana, está estudando Maxisterio e vai facer as súas prácticas na nosa clase.

¡Benvida Ana!!!

Fixemos un cadro ao máis puro estilo de Yayoi Kusama.

Fixemos autorretrato cunha "Choiva de puntos".

Asistimos na Biblioteca do cole a unha actividade interesantísima que se chamabo: O mundo das abellas. Con ela aprendimos moitísimas cousas sobre a vida das abellas , a importancia que teñen para o ser humán, o proceso de fabricación do mel e. . . incluso fixemos unha candea! ! !

Pintamos no Contexto de Arte unha máscara de Peliqueiro.

O venres na Biblioteca xogamos e aprendemos nos recantos.

No Contexto de casa-pobo fixemos reconto de mercancía no supermercado e atendemos aos clientes.

Fixemos moitos xogos matemáticos cos que aprendemos a clasificar e sumar.

Aprendimos a compartir, chegar a acordos e cooperar xogando .

Seguiremos actualizando. . .

Biquiños

Bibi