CONTEXTO CASA-POBO ABRIL 2022: XOGAR, PENSAR E CONTAR

 Esta semana no Contexto casa-pobo adicámonos fundamentalmente ao traballo da loxica-matemática, sen descoidar outros aspectos.

Aprendemos xogando a contar e recoñecer os números ata o 9.

Tamén pensamos, contamos e trazamos.

Plantamos bulbos de. . . sorpresa! ! !

¿Non imos dicir máis de momento! jejeje

Visitamos a exposición do Día do Libro que hai na Biblioteca. Trátase dunha recreación de portadas de contos feita con pezas de Lego polo alumnado de 5º curso de Educación Primaria.

Seguimos investigando o marabilloso mundo dos pingüíns e aprendemos xogando e compartindo.

E seguimos ademáis coa motivación xurdida na asamblea ao redor dos refráns e ditos populares sobre os meses do ano e xa sabemos tres:

1- En abril, aguas mil (xurdiu na asamblea polo moito que choveu)

2- En maio a vella queima o tallo. ( aprendímola de Thiago porque ensinoulla a súa avoa para que a contase no cole)

3- Cando marzo maiea, maio marcea ( Aprendímola de Sabela porque a súa familia ensinoulla para que a contase no cole)

Graciñas familias pola vosa colaboración refranera!

¡Seguiremos actualizando!

Biquiños

Bibi

CONTEXTO DE TEATRO ABRIL: AVENTURAS COA LINGUAXE ORAL E ESCRITA

 Esta semana que remata, estivemos no contexto de Teatro e fixemos un mooooontón de cousas divertidas coas que aprendimos moito.

Aprendimos unha adiviña de primavera, e tamén dous refráns populares.

Para o mes de abril: EN ABRIL, AGUAS MIL.

Para o mes de maio, Thiago ensinounos a tod@s un que aprendeu da súa avoa: EN MAIO A VELLA QUEIMA O TALLO.

Grazas avoa de Thiago por seguirnos o xogo dos refráns! ! !

Encántame cando contan cousiñas na casa e veñen con outras de volta! ! !

Fomos á Biblioteca a xogar-aprender nos distintos recantos da Biblioteca Creativa.

Fixemos marcapáxinas do Día do Libro facendo unha flor coa nosa man.

Tamén fomos á Biblioteca a escoitar un conto fabuloso que tiñan preparado para nós dous compis de 6º de Educación Primaria.

Inventamos historias coa "Caixa de inventar contos".

Eleximos un personaxe, un lugar e un obxecto e deixamos voar a nosa imaxinación para inventar e debuxar unha historia que contamos logo ao resto da clase.

Traballamos a atención, a paciencia e a memoria visual facendo puzzles.

Como teatreras e teatreros somos un lote. . . e imaxinación temos mooooooita,  fixemos teatrillo con títeres .

Seguimos xogando e aprendendo coas cartas de vocabulario de primavera.

E tamén pasámolo xenial aprendendo cos xogos de letras do Contexto de Teatro.

Seguiremos actualizando ! ! !

Biquiños

Bibi

CONTEXTO DE ARTE : EN ABRIL ARTISTADAS MIL

 Comezamos a semana vendo o vídeo que fixo Burguiña coas fotos cos nosos libros favoritos.

Si queredes ver o vídeo premende no seguinte enlace.

OS NOSOS LIBROS FAVORITOS

Fixemos creacións artísticas con distintos materiais.

Rematamos as portadas dos nosos traballiños do 2º Trimestre e tamén as contraportadas.

Fixemos unhas flores estupendas seguindo a inspiración do libro de Hervé Tullet: Flores

Seguimos investigando Os Pingüins e  en Psicomotricidade imitamos aos papás pingüíns cando transportan os ovos na súa bolsiña, pero nós no medio das pernas os levábamos.

Visitamos  a Biblioteca, como cada semana, para xogar e aprender nos distintos recantos da Biblioteca Creativa.

Pintamos unhas flores de primavera mooooooi coloridas con moito coidadiño  co pincel.

Tamén aprendemos a lavar o pincel para cambiar de cor.

E limpamos ao rematar todos os utensilios de artistas.

O último día de cole antes das vacacións, Burguiña deixounos un xogo de pistas co que percorrimos o colexio en busca dun enigma cunhas letras agachadas para formar unha palabra segreda, e tamén na procura dos ovos que perdeu.

Finalmente, tras descubrir e seguir todas as pistas que nos deixaba e percorrer un circuíto no ximnasio, atopamos unha caixa con ovos de Pascua, gusanitos e un conto seguindo as pistas de Burguiña! ! !

Seguiremos actualizando. . .

Biquiños

CONTEXTO XOGOS MARZO: SORPRESAS DE PRIMAVERA

 Esta semana no Contexto de Xogos estivemos elabotando as portadas dos nosos traballiños do segundo trimestre.

Xogamos e aprendemos co noso novo Abecedario de Primavera.

Iniciámonos na robótica xogando co rato Blue.

Estamos aprendendo moitas cousas sobre os pingüíns e tamén coa axuda da motivación que xenera en nós o tema dos pingüíns.

Aqui vos deixamos algúns vídeos dos que vimos na clase, cos que aprendimos moito e pasámolo xenial.

Neste Contexto xogamos a aprendemos un mooooontón! ! !

E para rematar a entrada desta semana, quixera decirvos que o sábado 2 de abril foi o Día Mundial de Concienciación sobre o Autismo, co obxectivo de mellorar a súa calidade de vida e promover a súa inclusión en todos os ámbitos da sociedade. Por iso, gustaríame pensar que entre tod@s podemos axudarlles e aportar o noso graíño de area, sendo nós quen cambiemos a nosa forma de ver o mundo.  Así que,  esta semana despídome con esta ilustración de MADEBYCAROL.

Seguiremos actualizando. . .

Biquiños

Bibi