Traballar as matemáticas de xeito manipulativo en Educación Infantil é moi importante para que os nenos e nenas poidan entender mellor o que están a aprender. A través de materiais como as regletas, teñen a oportunidade de experimentar, tocar, comparar e descubrir por si mesmos, pasando pouco a pouco do concreto ao abstracto dun xeito natural.
As regletas axúdannos a explorar conceptos como as cantidades, as relacións entre números, as seriacións ou mesmo as primeiras operacións, favorecendo o razoamento lóxico e a resolución de pequenos retos de forma lúdica e motivadora. Así, as matemáticas convértense nunha experiencia máis próxima, activa e, sobre todo, divertida.
Reto 1: facer a escaleira que sube coas regletas atopando o valor de cada unha e asociando cada cor co seu valor.
Reto 2: As regletas están desordenadas, caéronse da escaleira e por riba pasou un rato cunha goma de borrar na cola e quitoulles a cor! Agora. . . como sabemos cal é cada unha?
Estamos comezando a traballar os primeiros conceptos matemáticos relacionados coa suma e a resta, e facémolo dun xeito adaptado á etapa evolutiva d@s peques: a través do xogo e da manipulación de materiais concretos.
A nosa forma de ensinar estas operacións parte dunha base moi clara e sinxela:
👉 Sumar é xuntar.
👉 Restar é quitar.
Para que @s peques entendan estes conceptos, propoñemos situacións cotiás e actividades nas que poidan ver, tocar e experimentar o que significa engadir ou quitar elementos. Por exemplo:
Usamos pezas, bloques, bonecos ou froitas de xoguete para representar cantidades. Se temos 2 mazás e engadimos 1 máis, contamos cantas hai agora.
Creamos pequenas historias ou contos nos que acontecen sumas e restas (ex: "Tíñamos 4 osiños, marcharon 2, cantos quedan?" " Antón Piñón e Benito quedan no parque de Vilaboa a xogar, Antón leva 2 xoguetes e Benito 3. Cantos xoguetes levan entre os dous?).
Facemos xogos simbólicos: preparar a comida para uns amigos, repartir xoguetes ou facer compras no supermercado de xoguete.
Introducimos tarxetas con imaxes ou números cando o grupo está preparado, sempre como apoio visual ao que están a manipular.
O obxectivo principal é que comprendan o significado da acción de xuntar (sumar) ou quitar (restar) antes de pasar ao uso de símbolos ou operacións máis formais. A aprendizaxe debe ser significativa, lúdica e vivencial.
Agradecemos moito o voso apoio dende casa e animámosvos a propoñer pequenas situacións de suma e resta na vida diaria: poñendo a mesa, recollendo xoguetes, contar cantos zapatos hai, etc.
Aqui vos deixamos unha escolma de fotiños para que vexades como o facemos no cole.
Sabedes por qué empregamos o xogo como base da nosa aprendizaxe?
O xogo é unha das formas máis naturais e efectivas de aprendizaxe para os nen@s. A través do xogo, os pequenos/as non só se divirten, senón que tamén desenvolven habilidades importantes que les axudarán ao longo de toda a súa vida. Cando os nenos/as xogan, constrúen coñecemento, desenvolvendo a súa creatividade e resolven problemas, de xeito divertido e sen esforzo.
Co xogo, exploran novas ideas e conceptos. O xogo axúdaos a pensar de manera crítica, a enfrentar preguntas e a experimentar con soluciones aos problemas que atopen. Isto fortalece a súa capacidade de razoamento e aprendizaxe.
Aprendemos robótica e programación xogando coa profe Susana.
No Contexto Casa-Pobo, xogamos a facer a lista da compra cando nos toca no recanto da casiña.
Cando nos toca no supermercado, facemos reconto de material antes de abrir para atender aos clientes.
Xogando coas regletas, aprendemos os números e asociámolos coa súa cantidade.
Tamén xogamos a atopar os veciños dun número (o número anterior e o número posterior)
Aqui vos deixamos unha escolma dalgunhas das actividades que facemos no Contexto de Casa-Pobo para traballar e aprender as matemáticas de xeito manipulativo.
Xogamos aos números terroríficos polo Samaín, asociando cada número coa súa cantidade e contando.
Cando nos toca no recanto da Casiña, temos que facer a lista da compra e ir comprar .
No supermercado temos que facer reconto de mercancía para asegurarnos de ter suficiente para vender cando toque abrir o supermercado para a clientela.
Xogamos moito coas regletas, aprendendo o valor de cada unha e asociando cada cor a un valor numérico. Isto axudaranos no futuro a sumar, restar, descompoñer números, etc.
Facemos a escaleira que sube e a que baixa , ordenando de menor a maior, e de maior a menor.
Facemos o muro do 10.
Plasmamos parte do aprendido en papel para poder ensinárvolo na casiña.
No Contexto de Casa-Pobo estamos xogando con distintas propostas matemáticas coas que aprendemos casi sen decatarnos.
Por exemplo, a partir do conto "7 ratones ciegos" aprendemos a contar, tamén os números ordinais (1º, 2º, 3º...), as cores, caraterísticas ou atributos dos obxectos (longo, curto, ancho, estreito, etc)
Facemos conteo de menor a maior e de maior a menos co ábaco.
Contamos e asociamos número con cantidade coa axuda das castañas do Magosto.
Contamos e asociamos número con cantidade con policubos. Comparamos:onde hai máis cubos? e menos?
Aprendemos a contar coas regletas, o valor de cada regleta, cal número vai antes e cal despois, ordeamos de menor a maior (escaleira que sube ) e de maior a menor (escaleira que baixa).
Tamén facemos series de dous elementos e melloramos a nosa orientación espacial co xogo "atrapa ao gato".
Hoxe toca amosarvos unha escolma das actividades matemáticas que estamos a facer na clase.
Xogamos a asociar número con cantidade e tamén a facer equivalencias (poñendo a mesma cantidade no caixón inferior que a que nos indica na plantilla superior )
Traballamos o trazo e a direccionalidade dos números xogando a darlle de comer aos animaliños.
Agrupamos de 3 en 3 obxectos.
Facemos series.
Comezamos a aprender descomposición numérica xogando coa axuda da profe Susana e das casiñas dos números.
Antes de marchar de vacacions de Semana Santa, rematamos o 2º trimestre xogando coas galiñas de Pascua e aprendendo a recoñecer os números, contar, asociar número con cantidade, as cores, etc.
No Contexto de Teatro estamos a traballar as partes dos contos. Deste xeito , as historias que inventamos e representamos por equipos no escenario están sendo moito máis elaboradas.
Elaboramos os biscoitos dos cumpleañeir@s de abril e maio.
Participamos na Carreira Solidaria Save the Childen polo Día de Europa.
No contexto de casa-pobo fixemos a lista da compra.
Compartimos momentos de xogar e aprender.
No Contexto de Arte fixemos distintas composicións artísticas.
Tamén fixemos modelado en equipo de xeito colaborativo.
E recortamos follas para montar unha sorpresiña.
Ademáis continuamos pintando as esculturas estilo Yayoi Kusama que modelamos a semana pasada.
Seguimos aprendendo matemáticas de xeito manipulativo con distintos xogos no Contexto de Casa-pobo:
- Construímos contando.
- Completamos a serie numérica do Monstro de cores.
- Xogamos á pizza matemática.
- Facemos sumas e restas con flores e regadeiras.
- No Supermercado facemos o inventario, atendemos aos clientes e clasificamos e preparamos pedidos nos carros da compra.
Ás veces en lugar de ler conto, vemos un corto animado e logo reflexionamos e falamos na asamblea sobre o seu argumento.
Esta vez tocou falar sobre o bullying coa curtametraxe: Un puercoespín en Navidad.
Estamos a facer unha maqueta do aparello dixestivo para participar nos " xoves de Ciencia" do colexio.
Despedimos a Ana, que remata as súas prácticas do Grao de Mestra de Educación Infantil, cunha sorpresa que lle tiñamos preparada e que. . . algún "paxariño" custoulle non dicirllo. . . ¡Aiiiii eses paxariños faladores...qué perigo teñen!!!
Pero Ana tamén tiña unha sorpresa para nós, fíxonos brownie de chocolate riquísimo para convidarnos á merenda.
.jpg)
