TALLER DE INSTRUMENTOS TRADICIONAIS GALEGOS

 Fai uns días pasámolo xenial co taller de Instrumentos Tradicionais Galegos grazas a Olga e Pablo da Asociación Cultural Donaire.

Gustounos tanto que logo bailamos na clase!

Seguiremos actualizando. . .

CELEBRACIÓN DAS LETRAS GALEGAS 2025 NO COLEXIO

 Este ano homenaxeando ás cantareiras e pandereteiras, celebramos as nosas letras contando no colexio coa actuación de Blandina e Saleta, avoa e nai de dous nenos do noso cole que son cantareiras e pandereteiras en Xacarandaina.

Tamén cantamos xunto a todos os nenos e nenas de Infantil "Felisa vai en coche"

Letras galegas 2025 no colexio de Bibianaboedoedu

Seguiremos actualizando. . .

TEATRO, BAILE E AGRADECEMENTOS

 Esta semana toca amosar o noso traballo e agradecer. Porque isto é o que pasa cando tes compis que sempre suman e fan que todo sexa mellor, coas que desfrutas traballando e aprendendo delas.

No Contexto de teatro traballamos expresión oral e estamos comezando a representar o conto "Os 3 porquiños". Imos facelo por equipos, e cada semana iremos vendo o progreso ata poder voar soliñ@s.

Grazas Isa ( Especialista en Audición e Linguaxe) por unirte ás nosas locuras, melloralas e documentar esta primeira vez con fotos e vídeo.

Na aula de Música e coa axuda da profe Anaisy ( Mestra especialista en Música) estivenmos aprendendo a cantar e bailar esta canción tan divertida .

Gracias Anaisy por facer a túa maxia! ! ! 

Anaisy é capaz de convertir un mércores a primeira hora con sono en . . . fiebre del sábado noche ! jejeje

É un pracer traballar,  e bailar contigo!!!

Seguiremos actualizando. . . 

COMEZAMOS PROXECTO: A GUITARRA

 Como xa sabedes, este curso o PDI da nosa Biblioteca está adicado aos Inventos.

O invento que nos toca investigar en 3 anos A é : A GUITARRA.

Para axudarnos coa motivación previa, coñecer algúns instrumentos e logo centrarnos na guitarra ,pedimos axuda dun músico. Por iso, esta semana recibimos a visita de Cristóbal que é ademais profe de música. Con él pasámolo xenial e aprendimos moito.

Primeiro presentounos aos instrumentos, e contounos que tamén teñen familias, igual que nós.

Coñecimos algúns intrumentos da familia de vento: a trompeta e o clarinete. Coa trompeta, o  seu son era tan forte que tiñamos que agarrarnos ao chan para non sair voando!

Logo chegaron os instrumentos da familia de percusión  e coñecimos o caixón flamenco.

E por último coñecimos aos intrumentos da familia de corda. Nesa familia estaba a guitarra eléctrica, a española , o ukelele e o violín. Desta familia foi da que máis instrumentos nos ensinou porque o noso invento, a guitarra, pertence a esta familia.

Falamos dentro da boca da guitarra e exploramos como o son da nosa voz escoitátabase máis forte.

Despois tocaba moverse e bailamos ao ritmo da nota DO, que se move como un coche sen ter motor.

Repartimos notas musicais para tod@s como se fosen volantes e . . . a bailar e conducir sen chocar ao ritmo da música!

Unha vez superada a proba de saber bailar coa nota DO, puidemos formar grupos musicais e tocar os instrumentos das distintas familias. Menos os de vento, que por motivos hixiénicos non tocamos.

E xa para rematar a sesión, profundizamos un pouquiño máis no instrumento que nos toca investigar: a guitarra.

Aprendimos que ten distintas partes como o noso corpo. Ten: boca, cordas, mástil e clavixas.

Falamos dos distintos materiais dos que estaban feitas a guitarra clásica e a eléctrica, da diferencia nas súas cordas, no son e por suposto...probámolas tod@s!

Pero sen dúbida, o que máis paixón levantou en nós foi a guitarra eléctrica.

Está claro que o nos é o Rock and Roll ! ! !

Moitas grazas por vir Cristóbal!

Foi un pracer compartir clase e música contigo!

Aprendimos moito e pasámolo xenial!

CONCERTO DE AQUI PARA ALÁ

 O 23 de febreiro, para conmemorar o Día de Rosalía, todo o colexio asistimos no Conservatorio de Música de Culleredo ao concerto : De aqui para alá.

Pasámolo xenial e gustounos moitísimo cantar e bailar ao ritmo da música.

Pasámolo tan ben, que incluso saímos voluntari@s ao escenario para participar!

Grazas á ANPA do colexio e á nosa profe de Musica Anaisy !

CONTACONTOS DAS FAMILIAS E VISITA Á ÓPERA

 Esta semana, para conmemorar a Semana do Libro recibimos as visitas da familia de Diego e de Martina.

 Natalia, a nai de Diego, contounos  o conto: El increible barco del Capitán Marco

Marisol, a avoa de Martina , contounos o conto de : Pum Pum

Xogamos coa recta numérica a poñer os números que faltaban para que o Monstro de cores non estea confundido.

Tamén estivemos preparando a visita do xoves ao Pazo da Ópera para ver a Carapuchiña en versión ópera. Aprendimos que a ópera é unha obra de teatro cantada, que acompaña unha orquestra e que ten uns personaxes , igual que os contos.

Daniella trouxo un libro moi interesante co que aprendimos cousas das orquestras e dos instrumentos musicais.

E por fin chegou o xoves e pasámolo xenial na nosa primeira Ópera.

Seguiremos actualizando. . .

Biquiños

Bibi

SEMANA DO 27 DE FEBREIRO AO 3 DE MARZO

 Esta semana rematamos os nosos bonecos de neve.

Compartimos xogos e aventuras, imaxinando xunt@s.

No Contexto de casa-pobo facemos a lista da compra, ímos á tenda, ás veces tócanos ser clientes e outras tendeiras e tendeiros, etc.

No Contexto de Teatro, aprendemos a falar en público e inventamos pequenas historias en equipo para representalas no escenario.

Un dos contos que contamos esta semana foi : Leotolda. Gustounos moito porque tiña un final inesperado. Non chegamos a coñecer á protagonista do conto, pero foron dándonos pistas ao longo da historia para saber cómo era Leotolda e ao rematar tiñamos que debuxala nós.

O martes, os compis que estiveron de aniversario no mes de febreiro nas dúas clases de 5 anos subiron a facer uns biscoitos  á cociña coa profe Susana e convidáronos a tod@s.

Seguimos desfrutando coas historias do "Maestro Ratón", coñecendo os instrumentos da orquestra e descubrimos un novo enigma.

Comezamos a facer uns esquiadores en trineo.

Pasámolo xenial en Mus-e, representando co profe Ramiro en Teatro : un castelo, un barco pirata e unha nave espacial.

E tamén tivemos a oportunidade de observar de cerca unhas prumas de pavo real, descubrindo que parece que teñen ollos .

Seguiremos actualizando. . .

Biquiños

Bibi

CONCERTO DE PACO NOGUEIRAS E VISITA Á DOMUS

 Esta semana foi curta pero intensa.

O xoves, para conmemorar o Día de Rosalía de Castro, fomos ao Concerto de paco Nogueiras no Edificio de Servizos Múltiples do Burgo.

O venres visitamos a Domus , onde experimentamos lembrando algunhas cousas que xa sabemos do noso corpo e aprendimos cousas novas do corpo humán. Tamén merendamos cunhas estupendas vistas do mar e das praias de Riazor e o Orzán.

Ao rematar a visita fixémonos unhas estupendas fotos de grupo de recordo.

Seguiremos actualizando. . .

Biquiños

Bibi

SEMANA DO 14 AO 18 DE NOVEMBRO

 No contexto de Teatro, traballamos a lectoescritura en torno ao vocabulario de outono, a secuencia adicada á artista Yayoi Kusama e ás palabras que conteñen o son da letra M.

Inventamos pequenas historias ou contos e representámolos diante dos compis.

Divertímonos con novos xogos de lectoescritura feitos con material de refugallo.

Tamén seguimos traballando a música empregando o libro : La sinfonía de los animales.

Esta vez tocounos desvelar o enigma dos gatos patosos e descubrimos que o instrumento que agochaba esta vez o "Maestro Ratón" na melodía dos gatos era : o piano

No Contexto de Casa-pobo fixemos xogos lóxico matemáticos cos que aprendemos moito.

Fixemos a lista da compra e fomos ao supermercado.

Na casiña, poñemos a mesa, facemos a comida coa compra que fixemos e coidamos @s bebés e as mascotas.

E no supermercado facemos reconto dos produtos que temos á venda.

No Contexto de Xogos-Proxecto seguimos investigando o noso corpo e aprendemos a describirnos. Tamén seguimos traballando a secuencia na que imos facendo un debuxo de cada un dos nen@s de clase.

Estivemos vendo algúns vídeos como este co que aprendemos moito sobre o noso corpo.

Xogamos , aprendemos e pasámolo xenial no recanto do Proxecto e nos demáis recantos nos que aprendemos a compartir, agardar a nosa quenda e xogar de xeito cooperativo.

No contexto de Arte comezamos a elaborar adornos para a árbore de Nadal con pasta de modelar.

No recanto sesorial exploramos e xogamos cunhas bandexas sensoriais con area, froitos de outono e mooooooitas sorpresas.

No recanto de pintura fixemos estampación con corchos.

E por outra banda , estamos reflexionando (tendo en conta a súa idade e nivel madurativo) sobre a importancia da amizade e ser amigos/as a través dos contos que lemos diariamente. Por exemplo, esta semana un dos contos que limos e que lles gustou moito foi este.

Seguiremos actualizando. . .

Biquiños

Bibi