Coas cartas aprendemos xogando: recoñecemos os números 1, 2 e 3 e clasificámolas según o número que aparece na carta, clasificamos tamén según o número de debuxos que teñen (1, 2 ou 3), asociamos número cantidade, etc.
Aprendemos moitísimo xogando e aínda que destas actividades neste momento só teño fotos da miña aula, son actividades que se levan a cabo nas dúas clases de tres anos.
Son actividades de lóxica-matemática que facemos na asamblea a miúdo.
No ximnasio, na hora de Psicomotricidade, estamos practicando circuítos nos que traballamos o equilibrio, a lateralidade e alternacia de pés, os saltos cos pés xuntos e separados, o gateo, etc.
Comezamos a facer algunha portada. . . ¿para que serán???
Tamén algunhas cousiñas de Nadal. . . Sorpresa! ! !
Visitamos a decoración de Nadal que se atopa na entrada principal do colexio.
Lembrade que se pinchades sobre as imaxes podedes amplialas para velas mellor.
Na Biblioteca escoitamos o conto: Cincenta e as zapatillas peludas, do autor Davide Cali e publicado pola EDITORIAL XERAIS.
Reinterpretación do conto de Cincenta divertida e chea de humor que cuestiona os estereotipos que impiden a educación en igualdade entre nenos e nenas e que recomendamos para traballar coeducación.
Despois de escoitar o conto probamos as zapatillas peludas ! ! !
Tamén escoitamos o conto de : A tartaruga que quería durmir de Roberto Aliaga Sánchez, publicado por OQO EDITORA.
Aqui vos deixamos o vídeo do conto.
Para algúns é un paracaídas, para nós a carpa do circo. . . e non vexades que circo montamos nas dúas últimas sesións de Psicomotricidade: subindo, baixando, xirando, cambiando de man, pasando por debaixo, movendo unha pelota e facéndoa saltar, etc.
Foi divertidísimo e traballamos moitos conceptos espaciais xogando! ! !
Na aula de música cantamos e representamos a canción: Buscando Papá Noel a árbore de Nadal, Susa Herrera e Mamá Cabra.
E para cantar na casa. . . Preparad@s, list@s, xa! ! !
Así de ben o pasamos xogando no ximnasio cando vai moito frío no patio ou cando os columpios están mollados.
E tamén traballamos un pouquiño nos nosos cadernos de lóxica - matemática.
Non nos perdades de vista porque pronto seguiremos actualizando.
Fixemos algún traballiño no noso caderno de maiores despois de xogar moito coas actividades previas na PIZARRA DIXITAL INTERACTIVA.
Falamos das landras e dos cogomelos e fixemos uns traballimos plásticos que nos quedaron moi chulos.
Na aula de música cantamos e bailamos coa canción do Outono de UXÍA LAMBONA E A BANDA MOLONA.
Aqui vos deixamos o vídeo con karaoke para que poidades cantar na casa.
No ximnasio exploramos o espazo, tomamos conciencia do lugar que ocupa o noso corpo e xogamos situándonos dentro-fóra dos aros.
É interesante ver como na aula de música buscan para bailar amig@s da outra clase ou no ximnasio tentan xuntarse no mesmo aro.
Tamén falamos un pouquiño de emocións e para iso vimos o conto de PAULA Y SU CABELLO MULTICOLOR.
É importantísimo traballar as emocións dende ben pequeniños, por iso seguiremos mergullándonos no mundo emocional ao tempo que os pequen@s van madurando, para axudalos a medrar de xeito equilibrado.
Despedímonos ata a próxima semana cun vídeo resumo da nosa polifacética vida no cole.
Temos que contarvos moitas cousiñas que fixemos nestes últimos días e que aínda non tivemos tempo de amosarvos.
Despois dos incendios que asolaron Galicia, falamos nas aulas da importancia da coidar a natureza, pois os nosos bosques e as nosas árbores son o fogar de moitos animais.
Ao rematar o recreo concentrámonos no patio dos maiores xunto con todos os nenos e nenas da escola para manifestar a nosa repulsa ante tales feitos.
Pasámolo xenial percorrendo un circuíto no ximnasio e aprendimos a agardar a nosa quenda.
Animamos a Andrea para que nos faga postres moi ricos na actividade de cociña e dímoslle un aplauso ben grande, pois estaba un pouquiño tristona por ser a mais pequena da actividade.
E continuamos facendo algún traballiño do Polo Pepe.
Tentando facer cousas do gusto de tod@s e ao mesmo tempo traballar a súa motricidade grosa, decidímonos polo baile e descubrimos novos talentos ao tempo que facíamos unha pequena coreografía.
Se algún día non podo dar a clase de baile, xa teño coreógrafa para o meu posto. . . je je je. . .
Xa sabedes. . . a fama custa e. . . Nikol fainos sudar. . .
Para aprender a ter en conta aos demais traballamos por parellas no ximnasio.
Eleximos libremente a parella coa que queremos traballar.
Temos que desplazarnos de distintas formas pero sempre moi pendentes da nosa parella para sincronizarnos, acompañarnos, levar o ritmo e non lastimarnos.
Estirámonos e relaxámonos.
Aqui vos dexamos un resumo en imaxes destas dúas sesións.
Na clase estivemos traballando a asociación número cantidade, e o concepto de par e/ou parella, logo no ximnasio tiñamos que poñelo en práctica.
Xogamos aos avións e cando tocaba facer a aterraxe non podía haber máis dun par de avións en cada pista (que eran os aros).
Mirade que ben o pasamos.
Na clase de Inglés cantamos na asamblea coa profe Teresa moi ben ! ! !
Pero. . . non é posible poñervos o vídeo, así que polo momento cunha fotiño tendes que conformarvos e para outra vez poñeremos máis fotos que reflexen o traballo que se fai na asamblea cando temos clase de inglés.
Coa profe Luz, tamén aprendemos adiviñas de Outono.
