CONTOS, BISCOITOS, MODELADO, MATES MANIPULATIVAS E MOITO MÁIS. . .

 No Contexto de Teatro estamos a traballar as partes dos contos. Deste xeito , as historias que inventamos e representamos por equipos no escenario están sendo moito máis elaboradas.

Elaboramos os biscoitos dos cumpleañeir@s de abril e maio.

Participamos na Carreira Solidaria Save the Childen polo Día de Europa.

No contexto de casa-pobo fixemos a lista da compra.

Compartimos momentos de xogar e aprender.

No Contexto de  Arte fixemos distintas composicións artísticas.

Tamén fixemos modelado en equipo de xeito colaborativo.

E recortamos follas para montar unha sorpresiña.

Ademáis continuamos pintando as esculturas estilo Yayoi Kusama que modelamos a semana pasada.

Seguimos aprendendo matemáticas de xeito manipulativo con distintos xogos no Contexto de Casa-pobo:

- Construímos contando.

- Completamos a serie numérica do Monstro de cores.

- Xogamos á pizza matemática.

- Facemos sumas e restas con flores e regadeiras.

- No Supermercado facemos o inventario, atendemos aos clientes e clasificamos e preparamos pedidos nos carros da compra.

Ás veces en lugar de ler conto, vemos un corto animado e logo reflexionamos e falamos na asamblea sobre o seu argumento. 

Esta vez tocou falar sobre o bullying coa curtametraxe: Un puercoespín en Navidad.

Estamos a facer unha maqueta do aparello dixestivo para participar nos  " xoves de Ciencia" do colexio.

Despedimos a Ana, que remata as súas prácticas do Grao de Mestra de Educación Infantil, cunha sorpresa que lle tiñamos preparada e que. . . algún "paxariño" custoulle non dicirllo. . . ¡Aiiiii eses paxariños faladores...qué perigo teñen!!!

Pero Ana tamén tiña unha sorpresa para nós, fíxonos brownie de chocolate riquísimo para convidarnos á merenda.

¡Grazas por todo profe Ana!

Xa sabes que aqui tes as portas abertas sempre .

Seguiremos actualizando. . .

Biquiños

Bibi

SEMANA DO 13 AO 17 DE MARZO DE 2023

 Esta semana pasámolo xenial xogando ao Bingo de Letras.

Aqui nos tendes en acción xogando.

Fixemos a lista da compra, fomos mercar e atendimos a tenda.

No Contexto de Teatro inventamos e representamos pequenas historias e xogamos e aprendemos coa letra P.

Seguimos vendo cortos para pensar  na asamblea e aprender. Esta vez, vimos o corto "For the birds" . Este corto de Pixar aborda o tema do respecto ás diferenzas e convídanos a reflexionar sobre a importancia de respectar a tod@s por igual e ser máis empátic@s e tolerantes cos que nos rodean.É unha verdadeira chamada de atención sobre a discriminación, a exclusión e os estereotipos.

No Contexto de Arte fixemos uns coellos de Pascua con pinturas e pincel .

Tamén fixemos uns pitiños e uns coellos bailaríns.

No Proxecto do corpo estivemos investigando a nosa boca e cómo debemos coidala.

E compartimos unha morea de momentos de xogo.

Seguiremos actualizando. . .

Biquiños

Bibi

SEMANA DO 6 AO 10 DE MARZO

No Contexto de Teatro seguimos traballando cos contos .

Vimos o corto animado : Piper. 

O protagonista deste fermoso corto de Pixar é un paxaro con medo a abandoar o seu niño para aventurarse a cazar ameixas na praia. É unha historia que nos fala sobre medos e sobre cómo vencelos, que nos axudou a reflexionar na asamblea sobre a importancia de superar os nosos temores e vencer as adversidades.

Aqui vos deixamos a historia para poder vela de novo si lles apetece.

Para conmemorar o Día da Muller, o pasado 8 de marzo fixemos uns debuxos marabillosos das mulleres máis importantes das nosas vidas.

Elaboramos uns esquiadores en trineo chulísimos.

No Contexto de Xogos-Proxecto investigamos o  cerebro, vimos un vídeo moi interesante e fixemos un súpertraballo con parte do aprendido.

Aqui vos deixamos o vídeo para repasar o aprendido.

No Contexto casa-pobo aprendemos moito con xogos de matemáticas manipulativas.

Plantamos amorodos no invernadoiro.

Traballamos a Semana da prensa na Escola buscando anuncios de Yayoi Kusama en revistas.

Deixamos voar a imaxinación , e a partires dun círculo de Yayoi Kusama inventamos un cadro novo.

O venres rematamos a semana por todo o grande, en Mus-e, facendo Teatro co profe Ramiro.

Primeiro tocou facer como se fósemos velliños e velliñas.

Despois fomos capaces de facer algo moito máis difícil: ser coches de carreiras ata chegar á silla onde se sentaba Ramiro e a partir da silla converternos en velliñas e velliños.

Fixemos un traballo estupendo!!!

Somos súper actrices a actores! ! !

Seguiremos actualizando. . .

Biquiños

Bibi

Cousiñas que aínda non vos contamos.

Quedáronos unhas fotos pendentes de finais do 1º Trimestre que aínda non vos ensinamos.

 Uns días antes das vacacións de Nadal fomos ao CGAI a ver unha película moi fermosa titulada: Ponyo en el acantilado.

Esta é unha película do director Hayao Miyazaky baseada na historia de Hans Christian Andersen da "Sirenita", pero nunha versión que nada ten que ver coa historia que todos coñecemos.

A través desta versión que fai Miyazaky coñecemos a historia de Sosuke e Ponyo, reflexionamos sobre a contaminación no mar, o respecto polas persoas maiores, etc.

Tampouco vos ensinamos aínda as fotos dun conto que nos contou a profe Bea na que algúns participamos como protagonistas representando a historia.

Aqui nos tendes en acción. . . 

E ás veces algúns nenos traballan con Bea e preparan poemas e trabalinguas que logo recitan na aula para tod@s.

Ainda que cun chisco de retraso agardamos que vos gusten estas fotos.

Bicos.