CAIXA MISTERIOSA DO OUTONO

 Coa chegada do Outono, tivemos unha actividade moi especial na aula. O noso compañeiro Mauro trouxo unha caixa misteriosa de outono para compartir con todos e todas. Dentro había distintos produtos típicos desta estación: follas secas, castañas, landras, noces...

A proposta serviu para descubrir o outono a través dos sentidos, especialmente do tacto, xa que tiñan que adiviñar os obxectos metendo a man por un buratiño sen mirar. Foi unha experiencia moi divertida e enriquecedora, na que tamén traballamos valores como compartir, cooperar e respectar as quendas.

Grazas a Mauro e á súa familia por achegar un anaco de outono á nosa aula e facer posible esta experiencia tan especial. 🌰🍂

Seguiremos actualizando. . . 

Biquiños

Pilar e Bibi

EXPERIMENTO DE DECEMBRO: NEVARADA

 Aqui vos deixamos un resumo do noso experimento do mes de decembro no Contexto de Xogos-Científico.

NEVARADA de Bibianaboedoedu

Seguiremos actualizando. . .

OUTONO

 Coñecemos o outono e as súas características a través do conto : El ladrón de hojas. E facemos distintas propostas partindo do conto:

Pintamos con pincel unha lámina do conto.

Experimentamos na mesa sensorial de Outono .

Pintamos follas de Outono empregando distintas técnicas plásticas.

Xogamos cunha proposta  sensorial a ser ladróns de follas coma no conto, colocando as nosas follas de lá e soprando despois.

Xogamos cos cogomelos das letras a discriminar e clasificar imaxes atendendo á vogal pola que comezan.

Melloramos a nosa motricidade fina e atención facendo grafismos creativos de Outono.

Coñececemos animais do bosque , falamos das súas características e pintámolos.

Seguiremos actualizando. . .

Biquiños.