CONTOS, BISCOITOS, MODELADO, MATES MANIPULATIVAS E MOITO MÁIS. . .

 No Contexto de Teatro estamos a traballar as partes dos contos. Deste xeito , as historias que inventamos e representamos por equipos no escenario están sendo moito máis elaboradas.

Elaboramos os biscoitos dos cumpleañeir@s de abril e maio.

Participamos na Carreira Solidaria Save the Childen polo Día de Europa.

No contexto de casa-pobo fixemos a lista da compra.

Compartimos momentos de xogar e aprender.

No Contexto de  Arte fixemos distintas composicións artísticas.

Tamén fixemos modelado en equipo de xeito colaborativo.

E recortamos follas para montar unha sorpresiña.

Ademáis continuamos pintando as esculturas estilo Yayoi Kusama que modelamos a semana pasada.

Seguimos aprendendo matemáticas de xeito manipulativo con distintos xogos no Contexto de Casa-pobo:

- Construímos contando.

- Completamos a serie numérica do Monstro de cores.

- Xogamos á pizza matemática.

- Facemos sumas e restas con flores e regadeiras.

- No Supermercado facemos o inventario, atendemos aos clientes e clasificamos e preparamos pedidos nos carros da compra.

Ás veces en lugar de ler conto, vemos un corto animado e logo reflexionamos e falamos na asamblea sobre o seu argumento. 

Esta vez tocou falar sobre o bullying coa curtametraxe: Un puercoespín en Navidad.

Estamos a facer unha maqueta do aparello dixestivo para participar nos  " xoves de Ciencia" do colexio.

Despedimos a Ana, que remata as súas prácticas do Grao de Mestra de Educación Infantil, cunha sorpresa que lle tiñamos preparada e que. . . algún "paxariño" custoulle non dicirllo. . . ¡Aiiiii eses paxariños faladores...qué perigo teñen!!!

Pero Ana tamén tiña unha sorpresa para nós, fíxonos brownie de chocolate riquísimo para convidarnos á merenda.

¡Grazas por todo profe Ana!

Xa sabes que aqui tes as portas abertas sempre .

Seguiremos actualizando. . .

Biquiños

Bibi

9 DE MAIO: CARREIRA SOLIDARIA SAVE THE CHILDREN

 O 9 de maio, para conmemorar o Día de Europa fixemos unha carreira solidaria en colaboración coa ONG save the Children , coa que recadamos cartos para axudar en Ucrania.

Aqui tendes unha escolma de fotos dese día.

carreira solidaria de Bibiana Boedo

Biquiños

Bibi

CONTEXTO DE XOGOS MAIO

 Esta semana no contexto de xogos estivemos traballando moito coa letra O.

Tiñamos que recoñecer e atopar a palabra correcta para pegar ao lado de cada debuxo. Había que fixarse moi ben en todas as letras, e como todas comezaban pola letra O había que poñer moita atención en cómo remataba cada palabra.

Tamén traballamos discriminación auditiva. Dicíamos en voz alta o nome dos debuxos prestando moita atención a si comezaba por O ou por outra letra , para colocar os debuxos no sitio correcto.

Preparamos os dorsais para a carreira solidaria do luns.

E tamén comezamos a preparar con moitísima ilusión portadas dalgúns dos nosos traballiños.

¡ Ides alucinar coa portada do noso Proxecto de Pingüíns! ! !

Fixémola en varias fases porque ten moooooito traballño detrás. 

Esta semana, por fin, rematámola,

E tamén seguimos investigando Os Pingüíns e outros animais que habitan na Antártida, algúns deles en perigo de extinción. Falamos do que iso significaba e da necesidade de coidar o noso planeta e as especies que viven nel.

Para rematar fixemos un súper traballo en papel no que plasmamos parte do aprendido e tamén traballamos lectoescritura.

Paréceme interesante que vexades máis polo miúdo en qué consistiu a actividade individual en papel.

Nesta folla había que atopar no texto do enunciado tres palabras: focas, krill e albatros. Logo había que rodealas, para non perdelas. Con isto traballamos conciencia fonolóxica e auditiva. Prestaron moita atención a por qué letra comezaba cada unha, cal viña despóis, por cal remataba, etc.

Son ritmos moi diferentes de traballo, houbo quen precisou máis axuda, quen menos e quen ninguha. Cada quen vai ao seu ritmo, que ten que ser respectado.

Pero o mellor de todo foi o interese enorme que amosaron tod@s! ! !

Unha vez localizadas as palabras, tentaron escribir cada unha no lugar correspondente, mirando polo enunciado no que as tiñan rodeadas.

E tamén xogamos moitíiiiiiiisimo e pasámolo xenial no patio.

¡ Seguiremos actualizando ! ! !

Biquiños

Bibi