Coa chegada do Outono, tivemos unha actividade moi especial na aula. O noso compañeiro Mauro trouxo unha caixa misteriosa de outono para compartir con todos e todas. Dentro había distintos produtos típicos desta estación: follas secas, castañas, landras, noces...
A proposta serviu para descubrir o outono a través dos sentidos, especialmente do tacto, xa que tiñan que adiviñar os obxectos metendo a man por un buratiño sen mirar. Foi unha experiencia moi divertida e enriquecedora, na que tamén traballamos valores como compartir, cooperar e respectar as quendas.
Grazas a Mauro e á súa familia por achegar un anaco de outono á nosa aula e facer posible esta experiencia tan especial. 🌰🍂
O pasado mércores 30 de outubro, celebramos no colexio unha gran festa: O Samagosto.
Acudimos cos nosos disfraces terroríficos e comimos castañas asadas coa axuda das nosas familias.
Nos días previos trouxemos as nosas caixas terroríficas para decorar a escola.
Tamén fixemos distintas actividades motivadoras na aula.
Por exemplo xogamos e experimentamos no Contexto Artístico cun caldeiro da bruxa e cunha mesa sensorial con monstriños de Samaín aos que tiñamos que alimentar.
Traballamos moito para facer uns morcegos chulísismos.
Practicamos trazos verticais e horizontais para pintar telarañas.
Participamos na actividade de Contacontos mesturados de Samaín. Cada quen elexía o conto que quería escoitar e despois dirixíase á clase onde se facía a sesión de contacontos á cegas, sen saber qué profe facía o contacontos. Deste xeito eleximos conto polo verdadeiro interese no seu argumento, independentemente da profe que o contase, e fomentamos ter criterio propio, a iniciativa, a autonomía e a socialización.
No día da festa do Samagosto, recollimos as castañas asadas polas nosas familias e comímolas no patio de primara axudad@s pol@s nos@s padriños e madriñas lectores.
No contexto de Teatro, traballamos a lectoescritura en torno ao vocabulario de outono, a secuencia adicada á artista Yayoi Kusama e ás palabras que conteñen o son da letra M.
Inventamos pequenas historias ou contos e representámolos diante dos compis.
Divertímonos con novos xogos de lectoescritura feitos con material de refugallo.
Tamén seguimos traballando a música empregando o libro : La sinfonía de los animales.
Esta vez tocounos desvelar o enigma dos gatos patosos e descubrimos que o instrumento que agochaba esta vez o "Maestro Ratón" na melodía dos gatos era : o piano
No Contexto de Casa-pobo fixemos xogos lóxico matemáticos cos que aprendemos moito.
Fixemos a lista da compra e fomos ao supermercado.
Na casiña, poñemos a mesa, facemos a comida coa compra que fixemos e coidamos @s bebés e as mascotas.
E no supermercado facemos reconto dos produtos que temos á venda.
No Contexto de Xogos-Proxecto seguimos investigando o noso corpo e aprendemos a describirnos. Tamén seguimos traballando a secuencia na que imos facendo un debuxo de cada un dos nen@s de clase.
Estivemos vendo algúns vídeos como este co que aprendemos moito sobre o noso corpo.
Xogamos , aprendemos e pasámolo xenial no recanto do Proxecto e nos demáis recantos nos que aprendemos a compartir, agardar a nosa quenda e xogar de xeito cooperativo.
No contexto de Arte comezamos a elaborar adornos para a árbore de Nadal con pasta de modelar.
No recanto sesorial exploramos e xogamos cunhas bandexas sensoriais con area, froitos de outono e mooooooitas sorpresas.
No recanto de pintura fixemos estampación con corchos.
E por outra banda , estamos reflexionando (tendo en conta a súa idade e nivel madurativo) sobre a importancia da amizade e ser amigos/as a través dos contos que lemos diariamente. Por exemplo, esta semana un dos contos que limos e que lles gustou moito foi este.
